ജില്ലയിൽ കുറഞ്ഞ നിരക്കിൽ സാധങ്ങൾ ലഭ്യമാക്കുന്ന കൺസ്യൂമർ സ്‌റ്റോർ യാഥാർത്ഥ്യമാക്കും; സിസിഎൻ
കാഞ്ഞങ്ങാട്: കേബിള്‍ ടി.വി ശൃംഖല വഴി മരുന്നും നിത്യോപയോഗ സാധനങ്ങളും കുറഞ്ഞ നിരക്കില്‍ ലഭ്യമാക്കുന്ന കണ്‍സ്യൂമര്‍ സ്റ്റോര്‍ ജില്ലയില്‍ ചെറുകിട വ്യാപാര സ്ഥാപനങ്ങളെ കോര്‍ത്തിണക്കി 2021ല്‍ യഥാര്‍ഥ്യമാക്കാന്‍ ജില്ലയിലെ കേബിള്‍ ടി.വി ഓപറേറ്റര്‍മാരുടെ കമ്പനിയായ കൊളീഗ്‌സ് കേബിള്‍ പ്രൈവറ്റ് ലിമിറ്റഡ് 16ാമത് വാര്‍ഷിക ജനറല്‍ ബോഡിയോഗം തീരുമാനിച്ചു. ചെയര്‍മാന്‍ കെ.പ്രദീപ് കുമാര്‍ അധ്യക്ഷത വഹിച്ചു. ചെയര്‍മാന്‍ കെ.പ്രദീപ് കുമാര്‍ കണക്കുകളും മാനേജിങ് ഡയറക്ടര്‍ ടി.വി മോഹനന്‍ റിപ്പോര്‍ട്ടും അവതരിപ്പിച്ചു. വൈസ് ചെയര്‍മാന്‍ ഷുക്കൂര്‍ കോളിക്കര, സി.ഒ.എ സംസ്ഥാന സമിതി അംഗം സതീഷ് കെ.പാക്കം, ജില്ല പ്രസിഡന്‍റ് എം. മനോജ്കുമാര്‍, ജില്ല സെക്രട്ടറി എം.ആര്‍. അജയന്‍, അബ്ദുല്ലക്കുഞ്ഞി എന്നിവര്‍ സംസാരിച്ചു. സി.സി.എന്‍ ഡയറക്ടര്‍ ബോര്‍ഡ് അംഗം പി.ഗോപകുമാര്‍ സ്വാഗതം പറഞ്ഞു. ചെയര്‍മാനായി കെ.പ്രദീപ് കുമാറും മാനേജിങ് ഡയറക്ടറായി ടി.വി. മോഹനനും വൈസ് ചെയര്‍മാനായി ഷുക്കൂര്‍ കോളിക്കരയും വീണ്ടും തെരഞ്ഞെടുക്കപ്പെട്ടു.
No comments