വീടിന് തീപിടിച്ചു; വായ്പയെടുത്ത 35,000 രൂപയുൾപ്പെടെ കത്തിനശിച്ചു
ആലത്തൂർ: ഒല മേഞ്ഞ വീടിന് തീപിടിച്ച് വായ്പയെടുത്ത 35,000 രൂപയുൾപ്പെടെ കത്തിനശിച്ചു. കാവശ്ശേരി മുപ്പുപറമ്പ് കല്ലത്താണി പറമ്പിൽ സതീഷിന്റെ വീടാണ് കത്തി നശിച്ചത്. ആലത്തൂരിൽനിന്ന് ഫയർഫോഴ്സ് സംഘമെത്തിയാണ് തീയണച്ചത്. കൂലിപ്പണിക്കാരനാണ് സതീഷ്. ഭാര്യ സൗമ്യയും അഞ്ചും മൂന്നും വയസ്സുള്ള രണ്ടു മക്കളുമാണ് സതീഷിനൊപ്പം വീട്ടിലുണ്ടായിരുന്നത്. പാചക ഗ്യാസ് എടുക്കാനായി സൗമ്യയും കുട്ടികളും റോഡിലേക്ക് പോയ സമയത്താണ് അഗ്നിബാധയുണ്ടായത്. രണ്ടര ലക്ഷം രൂപയുടെ നഷ്ടം സംഭവിച്ചതായി ഫയർഫോഴ്സ് അധികൃതർ പറഞ്ഞു.
No comments