കുടുംബശ്രീ കോവിഡ് സ്പെഷ്യൽ 'കർക്കിടക കഞ്ഞി ഫെസ്റ്റ്' മന്ത്രി എം.വി ഗോവിന്ദൻ മാസ്റ്റർ കർക്കിടകകഞ്ഞി കുടിച്ച് ഉദ്ഘാടനം ചെയ്തു

കാസർകോട്: കുടുംബശ്രീ കോവിഡ് സ്പെഷ്യൽ കർക്കിടക കഞ്ഞി ഫെസ്റ്റ് ജില്ലാതല ഉദ്ഘാടനം തദ്ദേശ സ്വയംഭരണം, എക്സൈസ് വകുപ്പ് മന്ത്രി എം വി ഗോവിന്ദൻ മാസ്റ്റർ വിദ്യാനഗറിലെ കാസറഗോഡ് ജില്ലാ പഞ്ചായത്ത് കാൻ്റീനിൽ നിർവ്വഹിച്ചു. ജില്ലാ പഞ്ചായത്ത് പ്രസിഡണ്ട് ബേബി ബാലകൃഷ്ണൻ,  ജില്ലാ കളക്ടർ ഭണ്ഡാരി സ്വാഗത് രൺവീർ ചന്ദ്, ജില്ലാ പഞ്ചായത്ത്  വൈസ് പ്രസിഡണ്ട് ഷാനവാസ് പാദൂർ, ജില്ലാ പഞ്ചായത്ത് സ്ഥിരം സമിതി അധ്യക്ഷ കെ. ശകുന്തള ഗീതാകൃഷ്ണൻ ജില്ലാ പഞ്ചായത്തംഗങ്ങൾ കുടുംബശ്രീ മിഷൻ ജില്ലാ കോർഡിനേറ്റർ ടി ടി സുരേന്ദ്രൻ ജില്ലാ ആയുർവേദ ആശുപത്രി സൂപ്രണ്ട് ഡോ.ഇന്ദു ദിലീപ് മുൻ എംപി പി.കരുണാകരൻ തുടങ്ങിയവർ പങ്കെടുത്തു. ജില്ലയിലെ മുഴുവൻ ജനകീയ ഹോട്ടലുകളിലും ഓഗസ്റ്റ് 16 വരെ സ്പെഷ്യൽ കർക്കിടക കഞ്ഞി ഫെസ്റ്റ് കുടുംബശ്രീ ജില്ലാ മിഷൻ നടത്തും. ആയുർവേദ വിധി പ്രകാരം തയാറാക്കുന്ന പച്ചമരുന്നുകൾ ചേർത്താണ് കർക്കിടകഞ്ഞി തയ്യാറാക്കുന്നത്