നീലേശ്വരം പള്ളിക്കരയില്‍ കാറില്‍ കടത്തുകയായിരുന്ന 90 ലിറ്റര്‍ പുതുച്ചേരി മദ്യവും 15.6 ലിറ്റര്‍ പുതുച്ചേരി ബിയറും പിടികൂടി
നീലേശ്വരം : നീലേശ്വരം പള്ളിക്കരയില്‍ വച്ച് കാറില്‍ കടത്തുകയായിരുന്ന 90 ലിറ്റര്‍ പുതുച്ചേരി മദ്യവും 15.6 ലിറ്റര്‍ പുതുച്ചേരി ബിയറും പിടികൂടി. കാസറഗോഡ് എക്സൈസ് എന്‍ഫോഴ്സ്മെന്റ് ആന്റ് ആന്റി നര്‍കോട്ടിക് സ്പെഷല്‍ സ്‌ക്വാഡ് പ്രിവന്റിവ് ഓഫീസര്‍ ബിജോയ് ഇ കെയും സംഘവും ചേര്‍ന്നാണ് നീലേശ്വരം പള്ളിക്കരയില്‍ നിന്നും പൊയ്യക്കര പോകുന്ന റോഡില്‍ വച്ച് കെ എല്‍ 79 8898 നമ്പര്‍ മാരുതി ബ്രെസ്സ കാറില്‍ കടത്തുകയായിരുന്ന മദ്യം പിടികൂടിയത്. സംഭവത്തില്‍ മനുരാജ് , സുമേഷ് എന്നിവരെ അറസ്റ്റ് ചെയ്തു.സംഘത്തില്‍ സിഇഒമാരായ സാജന്‍ അപ്യാല്‍ അജീഷ് സി നിഷാദ് പി മോഹനകുമാര്‍ എല്‍ ശൈലേഷ് കുമാര്‍ പി ഡ്രൈവര്‍ ഡിജിത്ത് എന്നിവര്‍ ഉണ്ടായിരുന്നു.
No comments