Breaking News

ഖേൽര്തന പുരസ്‌കാരം ലഭിക്കുമെന്ന് ചെറിയ പ്രതീക്ഷയുണ്ടായിരുന്നു, ഒട്ടേറെപ്പേർക്ക് പ്രചോദനമാകും: പി ആർ ശ്രീജേഷ്


 



ഖേൽര്തന പുരസ്‌കാരം ലഭിച്ചതിന് പിന്നാലെ പ്രതികരവുമായി മലയാളി ഹോക്കി താരം പി ആർ ശ്രീജേഷ്. പുരസ്‌കാരം ലഭിക്കുമെന്ന് ചെറിയ പ്രതീക്ഷയുണ്ടായിരുന്നുവെന്ന് പി ആർ ശ്രീജേഷ് പ്രതികരിച്ചു. ഒളിംപിക്‌സിൽ പങ്കെടുത്ത എല്ലാവർക്കും പുരസ്‌കാരം ലഭിച്ചതിൽ സന്തോഷമുണ്ടെന്നും ഒട്ടേറെപ്പേർക്ക് പുരസ്‌കാരം പ്രചോദനമാകുമെന്നും പി ആർ ശ്രീജേഷ് പറഞ്ഞു. ഖേല്‍രത്‌ന ലഭിക്കുന്ന മൂന്നാമത്തെ മലയാളിയാണ് പി ആര്‍ ശ്രീജേഷ്. നേരത്തെ അഞ്ജു ബോബി ജോര്‍ജിനും ബീന മോള്‍ക്കും ഖേല്‍രത്‌ന ലഭിച്ചിരുന്നു.



ശ്രീജേഷിന് പുറമെ ഇന്ത്യന്‍ ഫുട്‌ബോള്‍ ടീം ക്യാപ്റ്റന്‍ സുനില്‍ ഛേത്രി, ടോക്യോ ഒളിമ്പിക്‌സ് സ്വര്‍ണ മെഡല്‍ നേതാവ് നീരജ് ചോപ്ര, രവികുമാര്‍ ദഹിയ, ലോവ്‌ലിന ബൊറോഗെയിന്‍, മന്‍പ്രീത് സിംഗ്, മിഥാലി രാജ്, ടോക്യോ പാരാലിമ്പിക്‌സില്‍ സ്വര്‍ണം നേടിയ അവനി ലേഖര, മനീഷ് നല്‍വാള്‍, കൃഷ്ണനാഗര്‍, പ്രമോദ് ഭാഗത്, സുമിത് ആന്റ്‌ലിന്‍ എന്നിവരും ഖേല്‍രത്‌ന പുരസ്‌കാരത്തിന് അര്‍ഹരായി





സുനില്‍ ഛേത്രിയിലൂടെ ഇന്ത്യന്‍ കായിക ചരിത്രത്തിലാദ്യമായാണ് ഒരു ഫുട്‌ബോള്‍ താരത്തിന് ഖേല്‍രത്‌ന പുരസ്‌കാരം ലഭിക്കുന്നത്. ഈ മാസം 13ന് ഡല്‍ഹിയില്‍വെച്ച് പുരസ്‌കാരം സമ്മാനിക്കും. ക്രിക്കറ്റിലെ സമഗ്ര സംഭാവനയ്ക്കാണ് മിഥാലി രാജിന് ഖേല്‍രത്‌ന.

No comments