പിലിക്കോട് ബസ് അപകടം ; അമിത വേഗതയും തേയ്മാനം സംഭവിച്ച ടയറുകളും അപകട കാരണമായി

ചെറുവത്തൂർ: മട്ടലായിയിൽ നിയന്ത്രണം വിട്ട് ബസ് മറിയാൻ ഇടയാക്കിയത് അമിത വേഗതയും തേയ്മാനം സംഭവിച്ച ടയറുകളും. മഴയും കാറ്റും ഉണ്ടായിട്ടും അമിതവേഗതയിലായിരുന്നു ബസ്. ബസി​െന്റ ടയറുകയിൽ നാലെണ്ണവും തേയ്മമാനം സംഭവിച്ചതായിരുന്നു. ഇതിൽ ഒന്ന് പൊട്ടിയതിനെ തുടർന്നാണ് ബസ് നിയന്ത്രണം വിട്ട് മറിഞ്ഞത്. മറിഞ്ഞ ബസ് കണ്ടപ്പോഴാണ് നാട്ടുകാർ അത്ഭുതപ്പെട്ടത്. അടിഭാഗമെല്ലാം കാലപ്പഴക്കംകൊണ്ട് തുരുമ്പിച്ചിരുന്നു. മതിയായ പരിശോധനകൾ ഇല്ലാതെയാണ് പല ബസുകൾക്കും പെർമിറ്റ് കൊടുക്കുന്നതെന്ന് നാട്ടുകാർ ആരോപിച്ചു.