കാറിൽ കടത്തിയ വൻ മദ്യശേഖരവുമായി യുവാവ് പിടിയിൽ
കാറില്‍ അനധികൃതമായി കേരളത്തിലേക്ക് കടത്തുകയായിരുന്ന 388 ലിറ്റര്‍ വിദേശമദ്യവുമായി മഞ്ചേശ്വരത്ത് യുവാവ് പിടിയില്‍. മീഞ്ച കുളൂരിലെ നവീന്‍ ഷെട്ടിയാണ് വൊര്‍ക്കാടി ആലമ്പെയില്‍ വെച്ച് എക്‌സൈസ് എന്‍ഫോഴ്‌സ്‌മെന്റ് വിഭാഗത്തിന്റെ പിടിയിലായത്.
103 ലിറ്റര്‍ കര്‍ണാടക നിര്‍മ്മിത വിദേശ മദ്യവും, 285 ലിറ്റര്‍ ഗോവന്‍ നിര്‍മ്മിത വിദേശ മദ്യവുമാണ് ഇയാളില്‍ നിന്നും പിടികൂടിയത്. ശനിയാഴ്ച്ച രാത്രി 9 മണിയോടെയായിരുന്നു മദ്യവേട്ട. കേസ് തുടര്‍ നടപടികള്‍ക്കായി കുമ്പള എക്‌സൈസ് റെയ്ഞ്ചിന് കൈമാറി.
No comments