ചിറ്റാരിക്കാൽ ചെസ്സ് അക്കാദമിയുടെ ആഭിമുഖ്യത്തിൽ യുവജനോത്സവ ചെസ്സ് വിജയികൾക്ക് അനുമോദനവും ബ്ലിറ്റ്സ് ചെസ്സ് ടൂർണമെന്റും സംഘടിപ്പിച്ചു
ചിറ്റാരിക്കാൽ: സ്കൂൾ യുവജനോൽസവത്തിൻ്റെ ഭാഗമായി സംസ്ഥാന ചെസ്സ് ടൂർണമെൻ്റിൽ പങ്കെടുത്ത ചിറ്റാരിക്കൽ സെൻറ് മേരീസ് ഇംഗ്ലീഷ് മീഡിയം സ്കൂൾ വിദ്യാർത്ഥികളും ചിറ്റാരിക്കൽ ചെസ്സ് അക്കാദമി ഡയറക്ടർ മനോജൻ രവിയുടെ ശിഷ്യരുമായ സ്റ്റെഫി ബിനോജ് , ഇവ്ലിൻ മരിയ തോമസ്, ജില്ലാ മൽസരത്തിൽ പങ്കെടുത്ത മാത്യൂ റോയി എന്നിവർക്ക് അക്കാദമിയുടെ ആഭിമുഖ്യത്തിൽ സ്വീകരണം നല്കി.
ചിറ്റാരിക്കാൽ സെൻ്റ് മേരീസ് ഇംഗ്ലീഷ് മീഡിയം സ്കൂളിൽ നടന്ന സ്വീകരണ പരിപാടിയുടെ ഉദ്ഘാടനം തോമാപുരം ഫൊറോന വികാരി ഫാ.മാർട്ടിൻ കിഴക്കേതലയ്ക്കൽ നിർവഹിച്ചു.
സെൻ്റ് മേരീസ് ഇംഗ്ലീഷ് മീഡിയം സ്കൂൾ ഹെഡ് മിസ്ട്രസ് സിസ്റ്റർ . ബീന വർഗീസ് അധ്യക്ഷത വഹിച്ചു. അഡ്വ. ജോസഫ് മുത്തോലിൽ (ഗ്രാമ പഞ്ചായത്തംഗം, ഈസ്റ്റ് എളേരി ) ജോസ് കുത്തിയത്തോട്ടിൽ ( ബ്ലോക്ക് പഞ്ചായത്തംഗം , പരപ്പ ) ജോർജുകുട്ടി തോമസ് മാടപ്പള്ളി (അസി.പ്രൊഫസർ ഇൻ മലയാളം- ശ്രീനിവാസ യൂണിവേഴ്സിറ്റി, മാംഗ്ലൂർ) രാജേഷ് വി. എൻ. പരപ്പ (കാസറഗോഡ് ജില്ലാ സെക്രട്ടറി, ചെസ്സ് അസോസിയേഷൻ) മനോജ് എം.വി. നീലേശ്വരം (ചെസ്സ് കോച്ച്, നാഷണൽ പ്ലെയർ ) ഷിജിത്ത് തോമസ് കുഴിവേലിൽ ( അസി. പ്രൊഫസർ , വിമൽ ജ്യോതി എഞ്ചനീയറിങ് കോളജ് , ചെമ്പേരി ) എന്നിവർ ആശംസകൾ അർപ്പിച്ചു. സിജോ ജെ അറയ്ക്കൽ (ലക്ച്ചറർ, സെന്റ് തോമസ് എച്ച്, എസ്, എസ് ചിറ്റാരിക്കൽ ) സ്വാഗതവും സ്റ്റെഫി ബിനോജ് (വിദ്യാർത്ഥിനി സെന്റ് മേരീസ് EMHS ചിറ്റാരിക്കൽ )നന്ദിയും പറഞ്ഞു. സ്വീകരണ പരിപാടിയോടനുബന്ധിച്ച് ബ്ളിറ്റ്സ് ചെസ്സ് ടൂർണമെൻറും നടന്നു.
No comments