ടാങ്കർ ലോറി ബൈക്കിൽ ഇടിച്ച് സുഹ‍ൃത്തുക്കൾക്ക് ദാരുണാന്ത്യം; അപകടം ജോലി കഴിഞ്ഞ് വീട്ടിലേക്ക് മടങ്ങവേ ചെറുവത്തൂർ കണ്ണാടിപ്പാറ സ്വദേശി ശോഭിത്ത് (27), ചായ്യോത്ത് സ്വദേശിയും കണ്ടക്ടറുമായ ദീപക് (30) എന്നിവരാണ് മരിച്ചത്

കാസർകോട്: ടാങ്കർ ലോറി ബൈക്കിലിടിച്ചു സുഹൃത്തുക്കളായ രണ്ടു പേർക്കു ദാരുണാന്ത്യം. ചെറുവത്തൂർ കണ്ണാടിപ്പാറ സ്വദേശി ശോഭിത്ത് (27), നീലേശ്വരം ചെയ്യോത്ത് സ്വദേശിയും കണ്ടക്ടറുമായ ദീപക് (30) എന്നിവരാണ് മരിച്ചത്. കൊവ്വൽ ദേശീയപാതയിൽ വ്യാഴാഴ്ച രാത്രി 10 മണിയോടെയാണ് അപകടം. ബജാജ് ഫൈനാൻസ് സ്വകാര്യ സ്ഥാപനത്തിൽ ജോലിചെയ്യുന്ന ശോഭിത്തിനെ വീട്ടിൽ കൊണ്ടുവിടാൻ പുറപ്പെട്ടതായിരുന്നു ദീപക്.



കൊവ്വൽ ജംഗ്ഷൻ ദേശീയപാതയിൽ എത്തിയപ്പോൾ അമിത വേഗതയിൽ എത്തിയ ടാങ്കർ ലോറി ഇവർ സഞ്ചരിച്ച ബൈക്കിൽ ഇടി ക്കുകയായിരുന്നു. ഒരാൾ അപകട സ്ഥലത്ത് വച്ചും മറ്റൊരാൾ ആശുപത്രിയിലേക്കുള്ള വഴിമദ്ധ്യേയും മരണപ്പെട്ടു. ദീപക്കിന്റെ മൃതദേഹം ചെറുവത്തൂരിലെ സ്വകാര്യ ആശുപത്രിയിലും ശോഭിത്തിന്റെ മൃതദേഹം കാഞ്ഞങ്ങാട് ജില്ലാ ആശുപത്രിയിലും സൂക്ഷിച്ചിരിക്കുകയാണ്. അപകടത്തെ തുടർന്ന് ദേശീയപാതയിൽ ഒരു മണിക്കൂറോളം ഗതാഗത സ്തംഭനം ഉണ്ടായി. തൃക്കരിപ്പൂരിൽ നിന്ന് ഫയർഫോഴ്സും പോലീസും എത്തിയാണ് അപകടത്തിൽപ്പെട്ട വാഹനങ്ങളെ റോഡിൽ നിന്ന് നീക്കം ചെയ്തത്. കസിൻസ് എന്ന സ്വകാര്യ ബസിലെ കണ്ടക്ടറാണ് ദീപക്