ജിഎച്ച്എസ്എസ് പരപ്പയിൽ എസ്പിസി പതാകദിനം ആചരിച്ചു

പരപ്പ :ജി എച്ച്എസ്എസ് പരപ്പയിൽ എസ്.പി സി.യുടെ സ്ഥാപക ദിനാഘോഷത്തിൻ്റെ ഭാഗമായി ഇന്ന് രാവിലെ 9:40 ന് വെള്ളരിക്കുണ്ട് സബ് ഇൻസ്പെക്ടർ  ഭാസ്കരൻ നായർ പതാക ഉയർത്തി സല്യൂട്ട് സ്വീകരിച്ചു. തുടർന്ന് എസ്പിസിയുടെ പ്രസക്തിയെക്കുറിച്ച് അദ്ദേഹം കുട്ടികളോട് സംസാരിച്ചു . സ്കൂൾ പ്രിൻസിപ്പൽ ശ്രീപതി എസ്, എച്ച് എം ഇൻ ചാർജ് രജിത കെ.വി, സീനിയർ അസിസ്റ്റൻറ് വി.കെ പ്രഭാവതി, DI പ്രിയേഷ് കുമാർ എന്നിവർ ആശംസകൾ അർപ്പിച്ചുകൊണ്ട് സംസാരിച്ചു. സി.പി.ഒ സുരേഷ് കുമാർ കെ സ്വാഗതവും എ.സി.പി.ഒ.ദീപ പ്ലാക്കൽ നന്ദിയും രേഖപ്പെടുത്തി.