കണ്ണൂരിൽ പ്രായപൂർത്തിയാകാത്ത പെൺകുട്ടിയെ പീഡിപ്പിച്ച വ്യാജ സിദ്ധൻ പിടിയിൽ

കണ്ണൂര്‍: പ്രായപൂര്‍ത്തിയാകാത്ത പെണ്‍കുട്ടിയെ പീഡിപ്പിച്ച കേസില്‍ വ്യാജ സിദ്ധന്‍ പിടിയില്‍. കൂത്തുപറമ്പിലാണ് സംഭവം. എലിപ്പറ്റച്ചിറ ജയേഷിനെയാണ് തളിപ്പറമ്പ് പൊലീസ് അറസ്റ്റ് ചെയ്തത്.
പെണ്‍കുട്ടിയുടെ സ്വഭാവത്തില്‍ മാറ്റം കണ്ടതിനെ തുടര്‍ന്ന് കുടുംബാംഗങ്ങള്‍ കൗണ്‍സിലിംഗിന് വിധേയയാക്കിയിരുന്നു. കുട്ടി പീഡനത്തിനിരയായ കാര്യം തുറന്ന് പറയുകയും സംഭവത്തില്‍ ബന്ധുക്കള്‍ പരാതി നല്‍കുകയുമായിരുന്നു.
സമാനമായ സംഭവങ്ങള്‍ വേറെ നടന്നിട്ടുണ്ടോ എന്നും
പൊലീസ് അന്വേഷിക്കുന്നുണ്ട്. ആലുവയില്‍ അതിഥി തൊഴിലാളിയുടെ എട്ട് വയസുകാരിയായ മകളെ തട്ടിക്കൊണ്ട് പോയി പീഡിപ്പിച്ച സംഭവത്തിലെ ഞെട്ടൽ മാറും മുൻപെ യാണ് മണിക്കൂറുകള്‍ക്കുള്ളിൽ മറ്റൊരു പീഡന വാര്‍ത്ത പുറത്ത് വന്നത്.