മുതിർന്ന കോൺഗ്രസ് നേതാവും കെപിസിസി അംഗവുമായ അഡ്വ.കെ.കെ.നാരായണൻ ബിജെപിയിലേക്ക്
കാസര്കോട് ജില്ലയിലെ മുതിര്ന്ന കോണ്ഗ്രസ് നേതാവും കെപിസിസി അംഗവുമായ അഡ്വ.കെ.കെ.നാരായണന് ബിജെപിയിലേക്ക്. ബിജെപി സംസ്ഥാന പ്രസിഡന്റ് കെ.സുരേന്ദ്രന് നയിക്കുന്ന കേരള പദയാത്രയുടെ സംസ്ഥാനതല ഉദ്ഘാടനത്തിനെത്തുന്ന ബിജെപി അഖിലേന്ത്യാ പ്രസിഡന്റ് ജെ.പി.നദ്ദയില് നിന്ന് ഇദ്ദേഹം അംഗത്വം സ്വീകരിക്കുമെന്നാണ് സൂചന. ജനുവരി 27ന് കാസര്കോട് താളിപ്പടപ്പ് മൈതാനിയിലാണ് ഉദ്ഘാടന പരിപാടി. കിനാനൂര് കരിന്തളം പഞ്ചായത്ത് അംഗമായി 10 വര്ഷം പ്രവര്ത്തിച്ചിരുന്ന ഇദ്ദേഹം പ്രശസ്തമായ കരിമ്പില് കുടുംബത്തിലെ അംഗമാണ്. എഐസിസി അംഗമായിരുന്ന പരേതനായ കരിമ്പില് കുഞ്ഞമ്പുവിന്റെ മരുമകനുമാണ്. കോണ്ഗ്രസ് നിയന്ത്രണത്തിലുള്ള നീലേശ്വരത്തെ അഗ്രിക്കള്ച്ചറല് ഇംപ്രൂവ്മെന്റ് കോ- ഓപ്പറേറ്റീവ് സൊസൈറ്റിയുടെ പ്രസിഡന്റ്, എന് കെബിഎം ചാരിറ്റബിള് ഹോസ്പിറ്റല് ചെയര്മാന് എന്നീ നിലകളിലും പ്രവര്ത്തിച്ചു വരുന്ന ഇദ്ദേഹം പടന്നക്കാട് നെഹ്റു ആര്ട്സ് ആന്റ് സയന്സ് കോളേജ് മാനേജിങ് കമ്മിറ്റി അംഗവും പടന്നക്കാട് ബേക്കല് ക്ലബ് മാനേജിങ് ഡയറക്ടറും ആണ്. കാസര്കോട് ഡിസിസി മുന് ജനറല് സെക്രട്ടറി ആയിരുന്നു. കാസര്കോട് -കണ്ണൂര് ജില്ലകളിലെ പ്രധാനപ്പെട്ട പെരുങ്കളിയാട്ടങ്ങളുടെയും പുന:പ്രതിഷ്ഠാ ബ്രഹ്മ കലശോത്സവങ്ങളുടെയും ആഘോഷ കമ്മിറ്റി ചെയര്മാനായി പ്രവര്ത്തിച്ചിട്ടുള്ള ഇദ്ദേഹത്തിന് ഈ നിലയില് വിപുലമായ ജനകീയ അടിത്തറയും സാമുദായിക ബന്ധങ്ങളുമുണ്ട്.
No comments