മലയോരത്തെ സിപിഐഎംന്റെ മുതിർന്ന നേതാവും എളേരി ഏരിയ സെക്രട്ടറിയുമായിരുന്ന ചിറ്റാരിക്കാലിലെ ഇ മാധവൻ മാസ്റ്ററുടെ ഒൻപതാം ചരമവാർഷികം വിവിധ പരിപാടികളോടെ ആചരിച്ചു

ചിറ്റാരിക്കാൽ  :   മലയോരത്തെ സിപിഐ എംന്റെ മുതിർന്ന നേതാവും എളേരി ഏരിയ സെക്രട്ടറിയുമായിരുന്ന ചിറ്റാരിക്കാലിലെ ഇ മാധവൻ മാസ്റ്ററുടെ ഒൻപതാം ചരമവാർഷികം വിവിധ പരിപാടികളോടെ ആചരിച്ചു. ചിറ്റാരിക്കാലിലെ ഇ മാധവൻ മാസ്റ്റർ സ്മൃതിമണ്ഡപത്തിൽ സിപിഐ എം ചിറ്റാരിക്കാൽ ലോക്കൽ സെക്രട്ടറി എൻ വി ശിവദാസൻ പതാക ഉയര്‍ത്തി. പുഷ്പാർച്ചനയ്ക്ക് ശേഷം നടന്ന അനുസ്മരണ യോഗം സിപിഐ എം ജില്ലാ സെക്രട്ടേറിയറ്റ് അംഗം സാബു അബ്രഹാം ഉദ്ഘാടനം ചെയ്തു. എൻ എം തോമസ് അധ്യക്ഷനായി. ജില്ലാ കമ്മിറ്റി അംഗം സി ജെ സജിത്ത്, ജോസ് പതാലിൽ, കെ പി നാരായണൻ, പി കെ മോഹനൻ, എൻ വി ശിവദാസൻ, സി വി ഉണ്ണികൃഷ്ണൻ എന്നിവർ സംസാരിച്ചു. ടി ജി പ്രദീപൻ സ്വാഗതം പറഞ്ഞു.