വെള്ളരിക്കുണ്ട് സെൻ്റ് ജൂഡ്സ് ഹൈസ്കൂൾ 1988-89 എസ്.എസ്.എൽ.സി ബാച്ച് "സ്നേഹസംഗമം" നാളെ (ശനി)

വെള്ളരിക്കുണ്ട് : വെള്ളരിക്കുണ്ട് സെൻ്റ് ജൂഡ്സ് ഹൈസ്കൂൾ 1988-89 എസ്.എസ്.എൽ.സി ബാച്ച് "സ്നേഹസംഗമം വെള്ളരിക്കുണ്ട് വീനസ് ഓഡിറ്റോറിയത്തിൽ വച്ച് നടക്കും. മുപ്പത്തഞ്ച് വർഷത്തിന് ശേഷം ആദ്യമായാണ് ഇത്തരമൊരു കൂടിച്ചേരൽ സംഘടിപ്പിക്കുന്നത്. സഹപാഠികളിലൊരാൾക്ക് ഗുരുതരമായ അസുഖം പിടിപെട്ടപ്പോൾ ചികിത്സാസഹായം നൽകുക എന്ന ലക്ഷ്യത്തോടെ 2020ലാണ് നന്മ- 1988-89 എന്ന വാട്ട്സ്ആപ്പ് കൂട്ടായ്മ സംഘടിപ്പിച്ചത്. പരിപാടിയിൽ മിച്ചം വരുന്ന തുക ചികിത്സയിൽ കഴിയുന്ന മറ്റൊരു സഹപാഠിക്ക് നൽകാനാണ് തീരുമാനിച്ചിട്ടുള്ളത്. ചടങ്ങിൽ തഹസിൽദാർ മുരളി പി വി മുഖ്യാതിഥിയായിരിക്കുംഅധ്യാപകരെ ആദരിക്കൽ, കലാപരിപാടികൾ എന്നിവയും ഉണ്ടാവും. ഇതിനുള്ള ഒരുക്കങ്ങൾ പൂർത്തിയായതായി ഭാരവാഹികൾ അറിയിച്ചു.