പെരിയ കേരള കേന്ദ്ര സർവകലാശാലയിൽ ശില്പശാല തുടങ്ങി..സ്പോട്ട് അഡ്മിഷൻ

പെരിയ: കേരള കേന്ദ്ര സർവകലാശാല എക്കണോമിക്സ് പഠന വിഭാഗവും കേരള എക്കണോമിക് അസോസിയേഷനും സംയുക്തമായി ബേസിക് എക്കണോമെട്രിക്സ് എന്ന വിഷയത്തിൽ സംഘടിപ്പിക്കുന്ന അഞ്ച് ദിവസത്തെ ശില്പശാലക്ക് തുടക്കം. സബർമതി ഹാളിൽ വൈസ് ചാൻസലർ ഇൻ ചാർജ്ജ് പ്രൊഫ. വിൻസെന്റ് മാത്യു ഉദ്ഘാടനം ചെയ്തു. എക്കണോമിക്‌സ് വിഭാഗം അധ്യക്ഷൻ പ്രൊഫ. ഡി. സ്വാമി കണ്ണൻ അധ്യക്ഷത വഹിച്ചു. കേരള എക്കണോമിക് അസോസിയേഷൻ ട്രഷറർ ഡോ. എസ്.കെ. ഗോഡ്‌വിൻ, വൈസ് പ്രസിഡണ്ട് ഡോ. റജുന, പ്രോഗ്രാം കോർഡിനേറ്റർ ഡോ. ശ്യാം പ്രസാദ് എന്നിവർ സംസാരിച്ചു. കാസർകോട് ഗവൺമെന്റ് കോളേജ് മുൻ പ്രിൻസിപ്പൽ ഡോ. ഹരികുറുപ്പ് കെ.കെ. സെഷൻ കൈകാര്യം ചെയ്തു. ശില്പശാല 27ന് സമാപിക്കും.

സ്പോട്ട് അഡ്മിഷൻ

പെരിയ: കേരള കേന്ദ്ര സർവകലാശാലയിൽ എം.എ. മലയാളത്തിന് എസ്.സി, എസ്.ടി, ഇ.ഡബ്ല്യു.എസ്. വിഭാഗങ്ങളിൽ സീറ്റുകൾ ഒഴിവുണ്ട്. താത്പര്യമുള്ള വിദ്യാർത്ഥികൾ ജൂലൈ 29ന് രാവിലെ 10 മണിക്ക് മലയാളം പഠന വകുപ്പിൽ നടക്കുന്ന സ്പോട്ട് അഡ്മിഷനിൽ പങ്കെടുക്കേണ്ടതാണ്. കൂടുതൽ വിവരങ്ങൾക്ക് സർവകലാശാല വെബ്സൈറ്റ് www.cukerala.ac.in സന്ദർശിക്കുക.