പച്ചക്കറി കൃഷിയിൽ സ്വയം പര്യാപ്തത നേടാനൊരുങ്ങി അട്ടക്കണ്ടം ഗവ. എൽ.പി സ്ക്കൂൾ

എടത്തോട് : വേറിട്ടൊരു കൃഷി അനുഭവവുമായി അട്ടക്കണ്ടത്തെ കുട്ടികൾ "എന്റെ വിദ്യാലയത്തിൽ എനിക്കൊരു തോട്ടം" പദ്ധതിയുമായി അട്ടക്കണ്ടം ഗവ : എൽ പി സ്കൂൾ. വർധിച്ചു വരുന്ന പച്ചക്കറി വിലയിൽ നിന്നും കീടനാശിനി ഉപയോഗത്തിൽ നിന്നും മോചനം നേടുക എന്ന ലക്ഷ്യവുമായി സ്കൂളിൽ സ്വന്തം പച്ചക്കറി തോട്ടം ഒരുക്കാൻ ഒരുങ്ങുകയാണ് കുട്ടികൾ. കോടോം ബെളൂർ  കൃഷി ഓഫീസർ കുമാരി ഹരിത കെ.വി പച്ചക്കറി തൈകൾ നട്ട് പദ്ധതി ഉദ്ഘാടനം ചെയ്തു.കുട്ടികളിൽ മികച്ച കാർഷിക സംസ്‍കാരം വളർത്തുന്ന ഈ പദ്ധതി ഒരു മാതൃക യാണെന്നും സ്കൂളിന് കൃഷി ഭവന്റെ  എല്ലാ വിധ പിന്തുണയും ഉണ്ടാകുമെന്നും അറിയിക്കുകയും ചെയ്തു. സ്കൂൾ ഹെഡ് മാസ്റ്റർ  ബാബുരാജ് എം എ ചടങ്ങിൽ സ്വാഗതം അറിയിച്ചു. പി ടി എ പ്രസിഡന്റ് ശ്രീമതി. ബിന്ധ്യ എം സുരേഷ് ചടങ്ങിന് അധ്യക്ഷത വഹിച്ചു. വാർഡ് മെമ്പർ ശ്രീ.ജഗന്നാഥ്‌എം വി, എസ്‌ എം സി ചെയർമാൻ സി.വി സേതുനാഥ്‌ എന്നിവർ ചടങ്ങിൽ ആശംസ അർപ്പിച്ച് സംസാരിച്ചു.  അജിത ടീച്ചർ നന്ദി അറിയിച്ചു.