കനൽ കാസർകോടിന്റെ നാടക ക്യാമ്പ് സിനിമാതാരം വിജയരാഘവൻ സന്ദർശിച്ചു
കനല്‍ കാസര്‍കോടിന്റെ ആഭിമുഖ്യത്തില്‍ സംഘടിപ്പിച്ച നാട്ടിലെപാട്ട് നാടക ക്യാമ്പ് പ്രശസ്ത സിനിമാതാരം വിജയരാഘവന്‍ സന്ദര്‍ശിച്ചു. കലാസാംസ്‌കാരിക രംഗത്ത് പുതുമയുടെ ചാര്‍ത്തുകള്‍ എഴുതാന്‍ വേണ്ടി ആരംഭിച്ച ക്യാമ്പ് വലിയ ശ്രദ്ധ നേടിയിരുന്നു. വിജയരാഘവന്റെ സാന്നിധ്യം ക്യാമ്പിലെ വിദ്യാര്‍ത്ഥികള്‍ക്കും കലാപ്രേമികള്‍ക്കും വലിയ പ്രചോദനമായി. തനിക്ക് കലാകാരനായും സിനിമ നടനായും കൈവരിച്ച നേട്ടങ്ങള്‍ക്കുള്ള പ്രേരണക്ക് നാടകവും പാട്ടും വലിയ പങ്കുവഹിച്ചിട്ടുണ്ടെന്ന് അദ്ദേഹം കൂട്ടിച്ചേര്‍ത്തു. ക്യാമ്പില്‍ പങ്കെടുക്കുന്നവര്‍ക്കായി വിജയരാഘവന്‍ നാടകത്തിന്റെയും സംഗീതത്തിന്റെയും ചരിത്രത്തെ കുറിച്ചുള്ള അനുഭവങ്ങളും അറിവുകളും പങ്കുവെച്ചു. നാടക സംവിധായകന്‍ വിജേഷ് കാരി, കലാകാരന്‍മാര്‍, കുട്ടികള്‍ എന്നിവര്‍ വിജയരാഘവനോട് സംവദിച്ച് തങ്ങളുടെ സംശയങ്ങള്‍ ക്ലിയര്‍ ചെയ്യുകയും അനുഭവങ്ങള്‍ പങ്കുവെക്കുകയും ചെയ്തു. കനല്‍ കാസര്‍കോട് കലാപ്രവര്‍ത്തകരോട് അഭിനന്ദനവും വിജയാശംസയും അറിയിച്ചു. കനല്‍ കാസര്‍ഗോഡ് ചെയര്‍മാന്‍ ബാലന്‍ മാണിയാട്ട്, കണ്‍വീനര്‍ രവീന്ദ്രന്‍ കൊടക്കാട്, ക്യാമ്പ് കോഡിനേറ്റര്‍ സജീവന്‍ വെങ്ങാട്ട്, ക്യാമ്പ് ചെയര്‍മാന്‍ സി.അമ്പുരാജ്, വി.പി.ബാലചന്ദ്രന്‍ എന്നിവര്‍ നേതൃത്വം നല്‍കി.
No comments