എൻ. എസ്. എസ്. വെള്ളരിക്കുണ്ട് മേഖലാ സമ്മേളനം 8 ന്... ഒരുക്കങ്ങൾ പൂർത്തിയായതായി സംഘാടകർ

വെള്ളരിക്കുണ്ട് :ഹോസ്ദുർഗ്ഗ് താലൂക് എൻ. എസ്. എസ്. കരയോഗയൂണിയൻ വെള്ളരിക്കുണ്ട് മേഖലാ സമ്മേളനം ഈ മാസം 8 ന് പ്ലാച്ചിക്കര എൻ. എസ്. എസ്. എ യു. പി സ്കൂളിൽ നടക്കും.

വെള്ളരിക്കുണ്ട് താലൂക് നിലവിൽ വന്നതിന് ശേഷം ആദ്യമായി മലയോരത്ത് വെച്ച് നടക്കുന്ന സമ്മേളനത്തിന്റെ ഒരുക്കങ്ങൾ പൂർത്തിയായതായി ഭാരവാഹികൾ പത്ര സമ്മേളനത്തിൽ അറിയിച്ചു..

സമ്മേളനത്തിന് തുടക്കം കുറിച്ച്  8 ന് രാവിലെ 9 മണിക്ക് പതാക ഉയർത്തും. തുടർന്ന് ആചാര്യ സ്മരണ നടക്കും.  ബാലൻ മാസ്റ്റർ പരപ്പ സമ്മേളനസന്ദേശം നൽകും.

ആയിരത്തോളം ആളു കൾ പങ്കെ ടുക്കുന്ന സമ്മേളനം എൻ. എസ്. എസ്. ഡയരക്ടർ ബോഡ് അംഗം അഡ്വ. എ. ബാല കൃഷ്ണൻ നായർ ഉത്ഘാടനം ചെയ്യും. യൂണിയൻ പ്രസിഡന്റ് കെ പ്രഭാകരൻ നായർ അധ്യക്ഷത വഹിക്കും. യൂണിയൻ സെക്രട്ടറി പി. ജയപ്രകാശ് സംഘടനാകാര്യങ്ങൾ വിശദീകരിക്കും. ശ്രീ കുമാർ കോടോത്ത്. വേണു ഗോപാലൻ നായർ. ടി. വി. സരസ്വതി ടീച്ചർ. ശാന്തമ്മടീച്ചർ. എന്നിവർ പ്രസംഗിക്കും. 

ബളാൽ എൻ. എസ്. എസ്. കരയോഗം വനിതാ സമാജം അവതരിപ്പിക്കുന്ന തിരുവാതിരകളിയും അരങ്ങേറും. പത്ര സമ്മേളനത്തിൽ സംഘാടകസമിതി ചെയർമാൻ  പുഴക്കരകുഞ്ഞിക്കണ്ണൻ നായർ , യൂണിയൻ വൈസ് പ്രസിഡന്റ്  ശ്രീകുമാർ കോടോത്ത്. കൺ വീനർ  ബാലൻ മാസ്റ്റർ പരപ്പ പോഗ്രാം കമ്മിറ്റി ചെയർ മാൻ.. സി. രവീന്ദ്രൻ. പി.  യൂണിയൻ സെക്രട്ടറി ജയപ്രകാശ്.   ഭരണസമിതി അംഗം ടി. ആർ. രാജൻ നായർ  ടി. പി. രാഘവൻ എന്നിവർ പരിപാടികൾ വിശദീകരിച്ചു..