ഭാര്യയെ കഴുത്തിന് കുത്തിപ്പരിക്കേൽപ്പിച്ച ഭർത്താവിനെ ഹൊസ്ദുർഗ് പോലീസ് അറസ്റ്റിൽ ചെയ്തു

കാഞ്ഞങ്ങാട്: കൂടെ പോകാൻ വിസമ്മതിച്ച ഭാര്യയെ കുത്തിപ്പരിക്കേൽപ്പിച്ച ഭർത്താവിനെ ഹോസ്ദുർഗ് പോലീസ് അറസ്റ്റ് ചെയ്തു. പുതുക്കൈ ഭൂതാനം കോളനിയിലെ പ്രമീളയുടെ മകൾ ശാരികയെ (36) നെയാണ് ഭർത്താവ് ചെങ്കള ഇന്ദിരാനഗർ മർഹബ ക്വാട്ടേഴ്സിൽ താമസിക്കുന്ന മനോജ് (45) കഴുത്തിന് കുത്തി പരിക്കേൽപ്പിച്ചത്. തടയാൻ ചെന്ന അമ്മ പ്രമീള,സഹോദരി ശരണ്യ എന്നിവർക്കും പരിക്കേറ്റിരുന്നു.
സംഭവത്തിൽ ശാരികയുടെ പരാതിയിൽ ഹോസ്ദുർഗ് പോ ലീസ് വധശ്രമത്തിനു കേസെടുത്തിരുന്നു. കഴിഞ്ഞദിവസം ഭൂദാനം കോളനിയിലെ ശാരികയുടെ വീട്ടിൽ വച്ചാണ് അക്രമം ഉണ്ടായത്. മനോജിനോടൊപ്പം ചെങ്കളയിലെ വീട്ടിലേക്ക് പോകാൻ വിസമ്മതിച്ചപ്പോഴാണ് കയ്യിൽ കരുതിയ പേന കത്തിയെടുത്ത് നിന്നെക്കൊന്നു ഞാനും ചാകും എന്ന് ആക്രോശിച്ച് മനോജ് ശാരികയുടെ കഴുത്തിന് കുത്തി പരിക്കേൽപ്പിച്ചത്. അക്രമം തടയാൻ ചെന്നപ്പോഴാണ് അമ്മക്കും സഹോദരിക്കും പരിക്കേറ്റത്.അറസ്റ്റ് ചെയ്ത പ്രതിയെ കോടതിയിൽ ഹാജരാക്കും