കനത്ത ചൂടിന് ആശ്വാസമായി മലയോരത്ത് ഇടിയോട് കൂടിയ കനത്ത മഴ

വെള്ളരിക്കുണ്ട് : കത്തുന്ന ചൂടിന് ആശ്വാസമായി മലയോരത്ത് ഇടിയോട് കൂടിയ കനത്ത മഴ. ഇന്ന് ഉച്ചക്ക് 3 മണിയോടെ തുടങ്ങിയ മഴ ഒരു മണിക്കൂറിലേറെ സമയം പലയിടത്തും പെയ്തിറങ്ങി. റോഡിൽ മഴവെള്ളം കുത്തിയൊലിച്ചു. വെള്ളരിക്കുണ്ട് , ഒടയംചാൽ, കൊട്ടോടി, ഭീമനടി, ചിറ്റാരിക്കാൽ, കുന്നും കൈ, അമ്പലത്തറ, രാജപുരം, ഭാഗങ്ങളിൽ മഴ ലഭിച്ചു. വാഴുന്നോറടി, പുതുക്കൈ ഭാഗങ്ങളിലും മഴ ലഭിച്ചു.

പലേടത്തും ഇടിയോട് കൂടിയ മഴയായിരുന്നു. അപ്രതീക്ഷിതമായെത്തിയ മഴവലിയ ആശ്വാസമാണായത്. ദിവസങ്ങളായി ചുട്ടുപൊള്ളുന്ന ചൂടിൽ ഉരുകുകയാണ് ജനം.