പാറപ്പള്ളി മഖാം ഉറൂസ് ഏപ്രില്‍ 17 മുതല്‍ 21 വരെ; ഒരുക്കങ്ങള്‍ പൂര്‍ത്തിയായതായി സംഘാടകർ

കാഞ്ഞങ്ങാട് :പ്രമുഖ സിയാറത്ത് കേന്ദ്രമായ പാറപ്പള്ളി മഖാം ഉറൂസ് ഏപ്രിൽ 17 മുതൽ 21 വരെ തീയതികളിൽ നടക്കുമെന്ന് സംഘാടകസമിതി ഭാരവാഹികൾ വാർത്താസമ്മേളനത്തിൽ അറിയിച്ചു.
17ന് വൈകിട്ട് 4 30ന് മഖാം സിയാറത്തിന് മുനീർ ഫൈസി ഇർഫാനി നേതൃത്വം നൽകും.തുടർന്ന് സംഘാടകസമിതി ചെയർമാൻ സ്വാലിഹ് വൈറ്റ് ഹൗസ് പതാക ഉയർത്തും. 7 ന് സയ്യിദുൽ ഉലമ സയ്യിദ് മുഹമ്മദ് ജിഫ്രി മുത്തുകോയ തങ്ങൾ ഉറൂസ് ഉദ്ഘാടനം ചെയ്യും. ഹാജി കെ അബൂബക്കർ മാസ്റ്റർ അധ്യക്ഷനാവും. നൗഷാദ് ബാഖവി ചിറയൻ കീഴ് മുഖ്യപ്രഭാഷണം നടത്തും. 18 ന് വൈകിട്ട് മജ്ലിസുന്നൂരിന് ചെറുമോത്ത് (ബഷീർ ബാഖവി കീഴ്ശ്ശേരി), ജമാഅത്ത് വൈസ് പ്രസിഡന്റ് ബഷീർ പറക്കളായി അധ്യക്ഷനാവും. മുനീർ ഹുദവി വിളയിൽ മുഖ്യപ്രഭാഷണം നടത്തും. 19 ന് ബുർദ മജ്ലിസിന് അൽഹാഫിള് സ്വാദിഖ് അലി അൽഫാളിലി ഉസ്താദ് ആന്റ് പാർട്ടി നേതൃത്വം നൽകും. പേരോട് മുഹമ്മദ് അസ്ഹരി മുഖ്യ പ്രഭാഷണം നടത്തും. ഉറൂസ് കമ്മിറ്റി വൈസ് ചെയർമാൻ എ ഉമ്മർ പാറപ്പള്ളി അധ്യക്ഷനാവും.
20 ന് വൈകിട്ട് 4:30 ന് ജില്ലാതല മാപ്പിളപ്പാട്ട് മത്സരം.വിജയികൾക്ക് 10001, 7001,5001 രൂപയും ട്രോഫിയും സമ്മാനിക്കും. രാത്രി 8.30 ന് നടക്കുന്ന സമാപന സമ്മേളനം സയ്യിദ് സൈനുൽ ആബിദീൻ തങ്ങൾ അൽ ബുഖാരി കുന്നുംകൈ ഉദ്ഘാടനം ചെയ്യും. ഉറൂസ് കമ്മിറ്റി ചെയർമാൻ സ്വാലിദ് വൈറ്റ് ഹൗസ് അധ്യക്ഷനാകും. ഇ.പി.അബൂബക്കർ അൽ ഖാസി പത്തനാപുരം മുഖ്യപ്രഭാഷണം നടത്തും.21ന് ഉച്ചക്ക് മൗലിദ് പാരായണം കൂട്ടപ്രാർത്ഥനക്കും സയ്യിദ് ശിഹാബുദ്ദീൻ അൽ അഹ്ദൽ തങ്ങൾ നേതൃത്വം നൽകും. ഉറൂസ് കമ്മിറ്റി വൈസ് ചെയർമാൻ പി ഇസ്മായിൽ സഅദി പാറപ്പള്ളി അധ്യക്ഷനാവും. 4.30 ന് അന്നദാനം രാത്രി 9ന് നവാസ് പാലേരി നയിക്കുന്ന ഇസ്ലാമിക കഥാപ്രസംഗം. ചടങ്ങിന് അബുദാബി ശാഖ ജമാഅത്ത് കമ്മിറ്റി പ്രസിഡന്റ് ഖലീൽ കണ്ണോത്ത് അധ്യക്ഷനാവും.വാർത്താസമ്മേളനത്തിൽ ജമാഅത്ത് കമ്മിറ്റി പ്രസിഡണ്ട് ഹാജി കെ അബൂബക്കർ മാസ്റ്റർ, ഉറൂസ് കമ്മിറ്റി ചെയർമാൻ സാലിഹ് വൈറ്റ് ഹൗസ്, ജനറൽ കൺവീനർ എം കെ അബ്ദുൽ റഹ്മാൻ, ട്രഷറർ മുനമ്പം മുഹമ്മദ് ഹാജി, വൈസ് ചെയർമാൻ എ ഉമ്മർ പാറപ്പള്ളി, പ്രോഗ്രാം കമ്മിറ്റി കൺവീനർ ടി കെ ഇബ്രാഹിം, പ്രചരണ കമ്മറ്റി ചെയർമാൻ ടി എം നാസർ, കൺവീനർ ഹമീദ് ഹാജി കാലിച്ചാംപാറ, റഹ്മാൻ അമ്പലത്തറ എന്നിവർ സംബന്ധിച്ചു.