കൂട്ടുപുഴ ചെക്പോസ്റ്റിൽ എം ഡി എം എയുമായി പേരാവൂർ സ്വദേശിയായ ലോറി ഡ്രൈവർ പിടിയിൽ.

കണ്ണൂർ: കണ്ണൂർ കൂട്ടുപുഴ ചെക്പോസ്റ്റിൽ എം ഡി എം എയുമായി ലോറി ഡ്രൈവർ പിടിയിൽ. പേരാവൂർ സ്വദേശി മൻഷീദാണ് പിടിയിലായത്. 5 ഗ്രാം എം ഡി എം എയാണ് ഇയാളിൽ നിന്ന് കണ്ടെടുത്തത്. പച്ചക്കറിയുമായി അതിർത്തി കടന്നെത്തുന്ന ലോറികളിൽ ലഹരികടത്തുന്നെന്ന പരാതിയെ തുടർന്നായിരുന്നു എക്സൈസിന്‍റെ പരിശോധന. വരും ദിവസങ്ങളിലും പരിശോധന കർശനമായി തുടരുമെന്നാണ് അധികൃതർ വ്യക്തമാക്കുന്നത്.