മഡിയനിൽ പള്ളികുളത്തിൽ മുങ്ങിയ രണ്ട് കുട്ടികൾ മരിച്ചു ഒരാൾക്ക് ഗുരുതരം

കാഞ്ഞങ്ങാട് : മാണിക്കോത്ത് പാലക്കിൽ പഴയ പള്ളിയിൽ, പള്ളികുളത്തിൽ കുളിക്കാൻ ഇറങ്ങിയ രണ്ട് കുട്ടികൾ മുങ്ങി മരിച്ചു. ഒരാളെ ഗുരുതരാവസ്ഥയിൽ ആശുപത്രിയിൽ പ്രവേശിപ്പിച്ചു. സഹോദരങ്ങളായ കുട്ടികളാണ് മരിച്ചത്. ആശുപത്രിയിലെത്തിച്ചിരുന്നെങ്കിലും ജീവൻ രക്ഷിക്കാനായില്ല. കുട്ടികളെ തിരിച്ചറിഞ്ഞിട്ടില്ല. ഇന്ന് വൈകീട്ടാണ് അപകടം. മരണം ആശുപത്രി അധികൃതർ സ്ഥിരീകരിച്ചു.