മുളിയാറിൽ വീണ്ടും പുലിയിറങ്ങി വളർത്തു നായയെ കടിച്ചുകൊന്നു

കാസർകോട്: ഇടവേളയ്ക്കു ശേഷം മുളിയാറിൽ വീണ്ടും പുലിയിറങ്ങി. ബാവിക്കര, അമ്മങ്കല്ലിലെ സിന്ധുവിന്റെ വീട്ടിലാണ് ബുധനാഴ്ച രാത്രി പുലി എത്തിയത്. വീട്ടുമുറ്റത്ത് ചങ്ങലയിൽ കെട്ടിയിട്ട നായയെ കൊന്ന ശേഷം പുലി തിരികെ പോയതായി സംശയിക്കുന്നു. വ്യാഴാഴ്ച രാവിലെയാണ് നായയെ കൊന്നിട്ട നിലയിൽ കണ്ടെത്തിയത്. വിവരമറിഞ്ഞ് വനപാലകർ സ്ഥലത്തെത്തി. പുലിയുടേതെന്നു സംശയിക്കുന്ന കാൽപ്പാടുകൾ സ്ഥലത്തു നിന്നു കണ്ടെത്തി. ഏറെ കാലത്തിനു ശേഷമാണ് മുളിയാറിൽ നാട്ടിൽ പുലിയിറങ്ങിയ സംഭവം ഉണ്ടായത്. വീണ്ടും പുലിയിറങ്ങിയ വാർത്ത പുറത്തുവന്നതോടെ ജനങ്ങൾ ഭീതിയിലായിട്ടുണ്ട്.