ജില്ലയിലെ മികച്ച പോലീസ് സ്റ്റേഷനായും, പോലീസ് സ്റ്റേഷൻ പരിപാലനവുമായി ബന്ധപ്പെട്ട സ്പെഷ്യൽ ഡ്രൈവിൽ മികച്ച പോലീസ് സ്റ്റേഷനായും ബേക്കൽ പോലീസ് സ്റ്റേഷൻ തെരഞ്ഞെടുക്കപ്പെട്ടു

കാസറഗോഡ് : 2025 ആഗസ്റ്റ് മാസത്തിലെ വിവിധ മേഖലകളിൽ മികവാർന്ന സേവനം കാഴ്ച വെച്ച പോലീസ് ഉദ്യോഗസ്ഥരേയും പോലീസ് സ്റ്റേഷനുകളെയും കാസറഗോഡ് ജില്ലാ പോലീസ് കാര്യാലയത്തിൽ വെച്ച് ജില്ലാ പോലീസ് മേധാവി ശ്രീ .ബി. വി വിജയ ഭരത് റെഡ്‌ഡി ഐപിഎസ് മൊമെന്റോയും പ്രശംസാപത്രവും നൽകി അനുമോദിച്ചു. വിവിധ മേഖലകളിലെ മികവുറ്റ പ്രകടനം കാഴ്ച വെച്ചതിന് ബേക്കൽ പോലീസ് സ്റ്റേഷൻ ജില്ലയിലെ മികച്ച പോലീസ് സ്റ്റേഷനായി തെരഞ്ഞെടുക്കപ്പെട്ടു (SHO ശ്രീദാസ് എം വി )കൂടാതെ പോലീസ് സ്റ്റേഷൻ പരിപാലനവുമായി ബന്ധപ്പെട്ട് നടത്തിയ സ്പെഷ്യൽ ഡ്രൈവ് ന്റെ ഭാഗമായി ജില്ലാ പോലീസ് മേധാവിയുടെ മേൽനോട്ടത്തിൽ നടത്തിയ സ്പെഷ്യൽ ഡ്രൈവിൽ ബേക്കൽ പോലീസ് സ്റ്റേഷൻ ഒന്നാം സ്ഥാനം നേടി ചന്തേര പോലീസ് സ്റ്റേഷൻ രണ്ടാം സ്ഥാനവും നേടി പൊതു ശുചിത്വവും , വൃത്തിയുള്ള ശുചിമുറി സൗകര്യം, മാലിന്യ സംസ്കരണം, ഇലെക്ട്രിക്കൽ- മെക്കാനിക്കൽ സംവിധാനങ്ങളുടെ ക്ഷമത, സുരക്ഷാ- അടിയന്തര സാഹചര്യങ്ങളിലെ രക്ഷാപ്രവർത്തനങ്ങൾക്ക് ആവശ്യമായ സൗകര്യങ്ങൾ, പോലീസ് സ്റ്റേഷൻ ചുറ്റുവട്ടം പരിപാലനം - ഗ്രൗണ്ട് സൗകര്യം, കീട നിയന്ത്രണം, സ്റ്റേഷനിലെ രേഖകളുടെ വ്യവസ്ഥപിതമായ ക്രമീകരണം എന്നി മാനദണ്ഡങ്ങൾ പ്രകാരമാണ് തെരഞ്ഞെടുത്തത് വിജയികൾക്കുള്ള ട്രോഫിയും പ്രശംസാപത്രവും ബേക്കൽ ഇൻസ്പെകർ ശ്രീദാസ് എം വി , ചന്തേര ഇൻസ്‌പെക്ടർ പ്രശാന്ത് കെ എന്നിവർ ഏറ്റുവാങ്ങി കൂടാതെ കാസറഗോഡ് ട്രാഫിക് എൻഫോഴ്‌സ്‌മെന്റ് യൂണിറ്റും ജില്ലാ പോലീസ് മേധാവിയിൽ നിന്നും പ്രശംസാപത്രം ഏറ്റുവാങ്ങി.

സേവന മികവിനുള്ള പ്രശംസാപത്രങ്ങൾ ബേക്കൽ ഇൻസ്പെകർ ശ്രീദാസ് എം വി , ഹൊസ്ദുർഗ് ഇൻസ്‌പെക്ടർ അജിത് കുമാർ ബേക്കൽ എസ് ഐ മനുകൃഷ്ണൻ സൈബർ ക്രൈം പോലീസ് സ്റ്റേഷൻ എസ് ഐ രവീന്ദ്രൻ, ശാർങ്‌ഗധരൻ എ ആർ, ബേക്കൽ പോലീസ് സെഷൻ SCPO മാരായ ഷാജൻ കെ ടി, പ്രസാദ് കുമാർ വി എം, ബിനീഷ് പി വി, സൈബർ ക്രൈം പോലീസ് സ്റ്റേഷൻ SCPO സവാദ് അഷ്‌റഫ്, സുരേഷ് ടി വി, CPO ഹരിപ്രസാദ് കെ വി, ഹൊസ്ദുർഗ് പോലീസ് സ്റ്റേഷൻ GSCPO സനീഷ് കുമാർ എ, അനിൽ കെ ടി, ജ്യോതിഷ് എ, ജില്ലാ DANSAF എസ് ഐ നാരായണ നായിക് കെ,എ എസ് ഐ ഷാജൻ സി വി, SCPO രാജേഷ്, CPO മാരായ ഷജീഷ്, നിഖിൽ കുമാർ എന്നിവർ ഏറ്റുവാങ്ങി.