വിവാഹിതയായ 20 കാരിയായ ലാബ് ടെക്നീഷ്യയെ കിടപ്പു മുറിയിൽ തൂങ്ങി മരിച്ച നിലയിൽ കണ്ടെത്തി

കാസർകോട് : ആറുമാസം മുമ്പ്  വിവാഹിതയായ 20 കാരിയായ ലാബ് ടെക്നീഷ്യയെ കിടപ്പു മുറിയിൽ തൂങ്ങി മരിച്ച നിലയിൽ കണ്ടെത്തി. മേൽപ്പറമ്പ്, പൊലീസ് സ്റ്റേഷൻ പരിധിയിലെ അരമങ്ങാനം സ്കൂളിനു സമീപത്തെ രജേഷിന്റെ ഭാര്യ നന്ദന (20)യാണ് മരിച്ചത്. ഞായറാഴ്ച ഉച്ചയോടെയാണ് നന്ദനയെ തൂങ്ങിയ നിലയിൽ കണ്ടെത്തിയത്. ഉടൻ തന്നെ ദേളിയിലെ സ്വകാര്യ ആശുപത്രിയിൽ എത്തിച്ചുവെങ്കിലും രക്ഷിക്കാനായില്ല. മേൽപ്പറമ്പ് പൊലീസ് കേസെടുത്തു അന്വേഷണം തുടങ്ങി. മൃതദേഹം ഇൻക്വസ്റ്റിനു ശേഷം പോസ്റ്റുമോർട്ടത്തിനായി കാസർകോട് ജനറൽ ആശുപത്രി മോർച്ചറിയിലേക്ക് കൊണ്ടു പോകും.

പെരിയ, ആയംപാറ, വില്ലാരംപതിയിലെ രവിയുടെ മകളായ നന്ദന ആറു മാസം മുമ്പാണ് ഒരു ക്ഷേത്രത്തിൽ വച്ച് വിവാഹിതയായത്. യുവതിയെ കാണാതായത് സംബന്ധിച്ച് ബേക്കൽ പൊലീസിൽ പരാതി നൽകിയിരുന്നു. വിവാഹ ശേഷം രജേഷിന്റെ വീട്ടിലായിരുന്നു നന്ദന താമസം. ആത്മഹത്യ ചെയ്യാനുള്ള കാരണം എന്താണെന്നു വ്യക്തമല്ല.