ബി എസ് സി നഴ്സിംഗ് സീറ്റ് തരപ്പെടുത്തി തരാമെന്നു വിശ്വസിപ്പിച്ച് പണം വാങ്ങി വഞ്ചിച്ചതായി പരാതി ; വെള്ളരിക്കുണ്ട് പോലീസ് കേസ് എടുത്തു

വെള്ളരിക്കുണ്ട് : ശൃംഗേരി ക്ഷേത്രം വകയായുള്ള ശാരദാകോളേജിൽ ബി എസ് സി നഴ്സിംഗ് സിറ്റു തരപ്പെടുത്തി തരാമെന്നു വിശ്വസിപ്പിച്ച് പണം വാങ്ങി വഞ്ചിച്ചതായി പരാതി. വെള്ളരിക്കുണ്ട്,  നാട്ടക്കല്ല്,  പി സുരേഷ് കുമാറിന്റെ പരാതിയിൽ കള്ളാറിലെ ഹരീഷ് കുമാർ എന്നയാൾക്കെതിരെ വെള്ളരിക്കുണ്ട് പൊലീസ് കേസെടുത്തു. പരാതിക്കാരന്റെ മകന് സീറ്റ് ശരിയാക്കി തരാമെന്നു പറഞ്ഞാണ് പണം വാങ്ങിയത്. 2025 ജൂൺ 16 മുതൽ പലദിവസങ്ങളിലായി 34,050 രൂപ അക്കൗണ്ടിലേയ്ക്ക് അയച്ചു കൊടുത്തിരുന്നുവെന്നു പരാതിയിൽ പറഞ്ഞു. സീറ്റ് ലഭിക്കുകയോ, പണം തിരികെ കിട്ടുകയോ ചെയ്യാത്തതിനെ തുടർന്നാണ് സുരേഷ് കുമാർ പൊലീസിൽ പരാതി നൽകിയത്.