കാസറഗോഡ്, വിദ്യാനഗർ, ഹൊസ്ദുർഗ്, ബേക്കൽ പോലീസ് സ്റ്റേഷനുകളിലായി നാൽപത് ഗ്രാമോളം എംഡിഎംഎ യും ആറ് ഗ്രാം ഹൈബ്രിഡ് കഞ്ചാവും പിടികൂടി... നാല് ദിവസത്തിനിടെ ലഹരികടത്തു സംഘത്തിലെ ആറ് പേർ പിടിയിൽ

കാസറഗോഡ്, വിദ്യാനഗർ, ഹൊസ്ദുർഗ്, ബേക്കൽ പോലീസ് സ്റ്റേഷനുകളിലായി നാൽപത് ഗ്രാമോളം എംഡിഎംഎ യും ആറ് ഗ്രാം ഹൈബ്രിഡ് കഞ്ചാവും പിടികൂടി. നാല് ദിവസത്തിനിടെ ലഹരികടത്തു സംഘത്തിലെ ആറ് പേർ പിടിയിൽ.

ഓട്ടോയിൽ കടത്താൻ ശ്രമിച്ച എംഡിഎംഎ യുമായി രണ്ടുപേർ പിടിയിലായി കാസറഗോഡ് ഷിറിബാഗിലു നാഷണൽ നഗർ സ്വദേശിയും മുളിയാർ മാസ്തിക്കുണ്ട് ക്വാട്ടേഴ്‌സിൽ താമസിക്കുന്ന ഉസ്‍മാൻ കെ(43), ഷിറിബാഗിലു ബദർ പള്ളിക്കു സമീപം താമസിക്കുന്ന അബ്ദുൽ റഹിമാൻ (55) എന്നിവരാണ് കാസറഗോഡ് പോലീസിന്റെ പിടിയിലായത്. 28.32 ഗ്രാം എംഡിഎംഎ യാണ് ഇവരിൽ നിന്നും പിടികൂടിയത്. വാഹനത്തിന്റെ ഡ്രൈവർ സീറ്റിന്റെ അടിയിലായുള്ള സ്റ്റോറേജ് ബോക്സിനുള്ളിൽ കവറിൽ സൂക്ഷിച്ച നിലയിലാണ് മയക്കുമരുന്ന് കണ്ടെടുത്തത്.

വിദ്യാനഗർ പോലീസ് സ്റ്റേഷൻ പരിധിയിൽ സംശയാസ്പദമായ സാചര്യത്തിൽ കണ്ട ആളെ  വിദ്യാനഗർ പോലീസും ജില്ലാ പോലീസ് മേധാവിയുടെ  സ്‌ക്വാഡും ചേർന്ന് പരിശോധിച്ചപ്പോൾ 6  ഗ്രാം വീതം എംഡിഎംഎ യും ഹൈബ്രിഡ് കഞ്ചാവും പിടികൂടി. ഉളിയത്തടുക്ക ഗണേഷ് നഗർ സ്വദേശി മുഹമ്മദ് ഹനീഫ(34) ആണ് പിടിയിലായത്. ഹൊസ്ദുർഗ് പോലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിൽ 3 ഗ്രാം എംഡിഎംഎ യുമായി മുറിയാനാവി സ്വദേശി ഷാജഹാൻ അബൂബക്കർ(41) പിടിയിലായി ഇയാളുടെ കിടപ്പുമുറിയിലെ ബാത്‌റൂമിൽ ഒളിപ്പിച്ച നിലയിലാണ് എംഡിഎംഎ കണ്ടെത്തിയത്. കഴിഞ്ഞ ദിവസം ബേക്കൽ പോലീസ് രണ്ട് പേരെ എംഡിഎംഎ യുമായി പിടികൂടിയിരുന്നു പയ്യന്നൂർ രാമന്തളി കുന്നരു സ്വദേശികളായ പ്രജിത് എം (33), സജിത്ത് ടി(36) എന്നിവരാണ് 1.95 ഗ്രാം എംഡിഎംഎ യുമായി പിടിയിലായത്. വാഹന പരിശോധനക്കിടെ പെരിയ സെൻട്രൽ യൂണിവേഴ്സിറ്റിക്ക് സമീപത്തുനിന്നുമാണ് ഇവർ പിടിയിലായത്. ആകെ 39 .27ഗ്രാം എംഡിഎംഎ യും 6ഗ്രാം ഹൈബ്രിഡ് കഞ്ചാവുമാണ് ആറ് പേരിൽ നിന്നുമായി 4 ദിവസത്തിനിടെ ജില്ലയിൽ പിടികൂടിയത്.

ജില്ലാ പോലീസ് മേധാവി ശ്രീ. ബി വി. വിജയ ഭരത് റെഡ്‌ഡി ഐപിഎസ് ന്റെ നിർദ്ദേശപ്രകാരം കാസറഗോഡ് എഎസ്പി ഡോ. നന്ദഗോപൻ. എം ഐപിഎസ്,കാഞ്ഞങ്ങാട്, ബേക്കൽ  ഡിവൈഎസ്പി സുരേഷ് ബാബു, മനോജ് വി വി എന്നിവരുടെ മേൽനോട്ടത്തിൽ ഇൻസ്‌പെക്ടർ നളിനാക്ഷൻ പി, ഷൈൻ കെ പി, അനൂപ് കുമാർ ഇ, രഞ്ജിത്ത് രവീന്ദ്രൻ എസ് ഐ മാരായ രാജീവൻ കെ, അനൂപ് എസ്., അഖിൽ ടി, ജിജേഷ് സി പി, സെബാസ്റ്റ്യൻ, നീതു, റോഷിത് മൗഷമി സി ആർ, എഎസ്ഐ അജയകുമാർ, പ്രദീപ് കുമാർ, നിഷാദ് SCPO  അനിൽ കെ,  പ്രശാന്ത് എൻ ആർ,  CPO മാരായ ശ്യാം ചന്ദ്രൻ, രമേഷ് വി, ഡ്രൈവർ CPO ജീതീഷ്, രാജേഷ്, സനീഷ് ജോസഫ്, കൃഷ്ണനുണ്ണി ജില്ലാ സ്‌ക്വാഡ്, കാസറഗോഡ്, കാഞ്ഞങ്ങാട് സബ് ഡിവിഷൻ സ്‌ക്വാഡ് എന്നിവർ ചേർന്നാണ് പ്രതികളെ പിടികൂടിയത്.