വാഹന പരിശോധനക്കിടയിൽ പൊലീസ് ഉദ്യോഗസ്ഥൻ്റെ മുഖത്തടിച്ച ബങ്കളം സ്വദേശിയായ യുവാവ് അറസ്റ്റിൽ
നീലേശ്വരം: വാഹന പരിശോധനക്കിടയിൽ പൊലീസ് ഉദ്യോഗസ്ഥൻ്റെ മുഖത്തടിച്ച യുവാവ് അറസ്റ്റിൽ. നീലേശ്വരം തെരുവത്ത് ശ്രീവൽസം ഓഡിറ്റോറിയത്തിന് സമീപത്താണ് സംഭവം. നീലേശ്വരം സ്റ്റേഷനിലെ സീനിയർ സിവിൽ പൊലീസ് ഓഫിസർ കെ.പി. അജിത്തിനാണ് (40) മുഖത്തടിയേറ്റത്. സംഭവത്തിൽ മടിക്കൈ ബങ്കളം പി.ബിനീഷ് കുമാറി (34)നെ എസ്.ഐജി . ജിഷ്ണു അറസ്റ്റ് ചെയ്തു. ഡ്രൈവിംഗ് ലൈസൻസ് ഇല്ലാതെയും ഹെൽമറ്റ് ധരിക്കാതെയും വന്ന സ്കൂട്ടർ പൊലീസ് കസ്റ്റഡിയിലെടുക്കാൻ ശ്രമിക്കുമ്പോഴാണ് സംഭവം. സ്‌കൂട്ടറിന്റെ താക്കോൽ വാങ്ങാനുള്ള ശ്രമത്തിനിടെയാണ് ബിനീഷ് അജിത്തിൻ്റെ മുഖത്തടിച്ചത്. ഔദ്യോഗിക കൃത്യനിർവഹണം തടഞ്ഞതിനും ലൈസൻസും ഹെൽമെറ്റും ഇല്ലാതെ വാഹനം ഓടിച്ചതിനും കേസെടുത്തു. എസ്. ഐ ജി . ജിഷ്‌ണുവിൻ്റെ പരാതിയിലാണ് കേസ്. അജിത്ത്താലൂക്ക് ആശുപത്രിയിൽ ചികിൽസ തേടി.
No comments