ഫാര്‍മസിസ്റ്റ് തോട്ടില്‍ വീണ് മരിച്ച നിലയില്‍; ചീമേനി വണ്ണാത്തിക്കാനത്തെ ടി രമേശന്‍ ആണ് മരിച്ചത്
കാസർകോട്: ചീമേനിയിൽ ഗൃഹനാഥനെ തോട്ടിൽ വീണ് മരിച്ച നിലയിൽ കണ്ടെത്തി. ചീമേനി വണ്ണാത്തിക്കാനത്തെ ടി രമേശൻ(65) ആണ് മരിച്ചത്. വ്യാഴാഴ്ച വൈകീട്ടാണ് തോട്ടിൽ വീണ നിലയിൽ കണ്ടെത്തിയത്. ഉടൻ പരിയാരം കണ്ണൂർ ഗവ.മെഡിക്കൽ കോളേജ് ആശുപത്രിയിലെത്തിച്ചെങ്കിലും മരിച്ചിരുന്നു. ഫാർമസിസ്റ്റായ ഇദ്ദേഹം ജോലി കഴിഞ്ഞ് വീട്ടിലേക്ക് തിരിച്ചുവരുമ്പോഴാണ് അപകടമെന്ന് സംശയിക്കുന്നു. സമയം കഴിഞ്ഞിട്ടും വീട്ടിൽ എത്താതിനെ തുടർന്ന് നടത്തിയ അന്വേഷണത്തിലാണ് തോട്ടിൽ വീണ് കിടക്കുന്നത് കണ്ടത്. കോൺഗ്രസ് പ്രവർത്തകനായിരുന്നു. മൃതദേഹം വെള്ളിയാഴ്ച ഉച്ചയ്ക്ക്
ചീമേനി കോൺഗ്രസ് ഓഫീസിൽ പൊതുദർശനത്തിന് വെച്ചു. വീട്ടിലെത്തിച്ചശേഷം കിഴക്കേക്കര സമുദായ ശ്മശാനത്തിൽ സംസ്കരിക്കും. സ്വാതന്ത്ര്യസമര സേനാനി വിജയൻ നമ്പ്യാരുടെയും രത്നമ്മയുടെയും മകനാണ്. ഭാര്യ: സരള(എരമം). മക്കൾ: അഞ്ജന രമേഷ് (എറണാകുളം), ഐശ്വര്യ രമേഷ് (ഫിസിയോ തെറാപ്പിസ്റ്റ് പടന്നക്കാട് ആയുർവേദ ആശുപത്രി). മരുമകൻ: സുരേഷ് ( മാവുങ്കാൽ). സഹോദരങ്ങൾ: സ്നേഹലത, രഘുനാഥ്, രഞ്ജിത്ത് ബാബു.
No comments