ജോലിക്ക് പോകുന്നതിനിടയിൽ ലോറി ഇടിച്ച് ഗുരുതരമായി പരിക്കേറ്റ് ചികിത്സയിലായിരുന്ന മത്സ്യത്തൊഴിലാളി മരിച്ചു

കാസർകോട് : ജോലിക്ക് പോകുന്നതിനിടയിൽ ലോറി ഇടിച്ച് ഗുരുതരമായി പരിക്കേറ്റ് ചികിത്സയിലായിരുന്ന മത്സ്യത്തൊഴിലാളി മരിച്ചു. ബേക്കൽ, ഹോട്ടൽവളപ്പ് ഹൗസിലെ പരേതനായ ദാസന്റെ മകൻ ഡി പ്രകാശ് (46) ആണ് വ്യാഴാഴ്ച രാത്രി ജനറൽ ആശുപ്രതിയിൽ മരിച്ചത്.

ജൂൺ ആറിനു പുലർച്ചെയാണ് പ്രകാശിനെ ലോറിയിടിച്ചത്. മത്സ്യബന്ധനത്തിനു പോകുന്നതിനിടയിൽ അമിതവേഗതയിലെത്തിയ ലോറിയിടിച്ചാണ് പരിക്കേറ്റത്. കാസർകോട്ടെ സ്വകാര്യ ആശുപത്രിയിലും പിന്നീട് മംഗ്ളൂരുവിലെ ആശുപത്രിയിലും മാസങ്ങളോളം ചികിത്സ നൽകിയെങ്കിലും കാര്യമായ പുരോഗതി ഉണ്ടായില്ല. ഇതേതുടർന്നാണ് ജനറൽ ആശുപത്രിയിലേയ്ക്ക് മാറ്റിയത്. അപകടം സംബന്ധിച്ച് ബേക്കൽ പൊലീസ് കേസെടുത്തിരുന്നു. നളിനിയാണ് പ്രകാശന്റെ മാതാവ്. സഹോദരങ്ങൾ: പ്രദീപ്, പ്രിത