Breaking News

ദേശീയ ക്ഷീരദിനം: മിൽമ കാസർഗോഡ് ഡെയറി ജില്ലയിൽ വിവിധങ്ങളായ പരിപാടികൾ സംഘടിപ്പിച്ചു


കാഞ്ഞങ്ങാട്: ദേശീയ ക്ഷീര ദിനത്തോടനുബന്ധിച്ചു മിൽമ കാസറഗോഡ് ഡെയറിയിൽ വിപുലമായ പരിപാടികൾ സംഘടിപ്പിച്ചു. 26.11.2025 തീയ്യതി ചെങ്കള  ഗ്രാമപഞ്ചായത്തിലെ കുടുംബശ്രീ അംഗങ്ങൾക്കും ജി എച്ച് എസ് എസ് ചായ്യോത്ത് സ്കൂളിലെ സ്കൗട്ട് ആൻഡ് ഗൈഡ്സ് വിദ്യാർത്ഥികൾക്കും മിൽമ ബോധവൽക്കരണ ക്ലാസ് ഡെയറി മാനേജർ  സ്വീറ്റി വർഗീസിന്റെ നേതൃത്വത്തിൽ നൽകുകയുണ്ടായി.ഈ വർഷത്തെ ക്ഷീരദിനാചരണാഘോഷങ്ങളുടെ തുടക്കം 24.11.2025 തീയ്യതി  മംഗൽപാടി ഗ്രാമ പഞ്ചായത്തിലെ സി ഡി എസ് ഓഡിറ്റോറിയത്തിൽ വെച്ച് സി ഡി എസ്  മെമ്പർമാർക്ക്  കാസറഗോഡ് ഡെയറി മാനേജർ നൽകിയ മിൽമയുടെ ബോധവൽക്കരണ ക്ലാസ്സോടു കൂടിയായിരുന്നു. തുടർന്ന് അന്നേ ദിവസം ഉച്ചയ്ക്ക് ജില്ലയിലെ  ഹയർസെക്കണ്ടറി വിദ്യാർത്ഥികൾക്കായി ജില്ലാതല ജലഛായ മത്സരം ഡെയറി ഓഡിറ്റോറിയത്തിൽ വെച്ച് സംഘടിപ്പിച്ചു. യഥാക്രമം എം സ്വപ്ന സുരേഷ്  ജി എച്ച് എസ് എസ് ബേത്തൂർപ്പാറ, വരുണ മോഹൻ  ജി എച്ച് എസ് എസ് ചട്ടഞ്ചാൽ, ദേവനന്ദ കെ  ജി എച്ച് എസ് എസ് ഉദുമ എന്നിവർ ഒന്നും രണ്ടും മൂന്നും സ്ഥാനം കരസ്ഥമാക്കി. 25.11.2025 നു ജില്ലയിലെ ഹൈസ്കൂൾ വിദ്യാർത്ഥികൾക്കായി സംഘടിപ്പിച്ച ജില്ലാതല ക്വിസ് മത്സരത്തിൽ യഥാക്രമം തനവ് ഇ ആന്റ് തേജൽ ഇ, ജി എച്ച് എസ് എസ് പാക്കം, അഗ്രിമ ടി വി ആന്റ് അനന്യ കെ,ജി എച്ച് എസ് എസ് ഉദിനൂർ,  ശ്രീലക്ഷ്മി ആന്റ് അശ്വിൻ രാജ് രാജാസ് എച്ച് എസ് എസ് നീലേശ്വരം എന്നീ വിദ്യാർഥികളും ഒന്നും രണ്ടും മൂന്നും സ്ഥാനം കരസ്ഥമാക്കി.പരിപാടിയുടെ ഭാഗമായി  പൊതുജനങ്ങൾക്ക് ഡെയറി സന്ദർശിക്കാനുള്ള അവസരം ഡെയറി അധികൃതർ ഒരുക്കിയിരുന്നു.കൂടാതെ  ദിവസങ്ങളിൽ ഡിസ്കൗണ്ട് നിരക്കിൽ മിൽമ ഉൽപ്പന്നങ്ങൾ ഡെയറിയിൽ ലഭ്യമാക്കിയിരുന്നു. മൂന്നു ദിവസങ്ങളിലായി സ്കൂൾ വിദ്യാർഥികൾ, പൊതുജനങ്ങൾ തുടങ്ങി  ആയിരത്തോളം സന്ദർശകർ മിൽമ കാസറഗോഡ് ഡെയറി സന്ദർശിക്കുകയുണ്ടായി.

No comments