പരപ്പ ബ്ലോക്ക് പഞ്ചായത്തിൽ വാശിയേറിയ പോരാട്ടം നടക്കും ; സ്ഥാനാർത്ഥിപ്പട്ടിക പുറത്ത്.. ഏറ്റവും കൂടുതൽ സ്ഥാനാർത്ഥികൾ മത്സരരംഗത്തുള്ളത് പാലാവയൽ ഡിവിഷനിൽ

പരപ്പ ബ്ലോക്ക് പഞ്ചായത്തിൽ പാലാവയൽ നിയോജകമണ്ഡലത്തിലാണ് ഏറ്റവും കൂടുതൽ സ്ഥാനാർത്ഥികൾ (നാല് പേർ) മത്സരരംഗത്തുള്ളത്. ഇവിടെ ബസ്, കൈ, താമര, ചൂല് എന്നീ ചിഹ്നങ്ങളുള്ള സ്ഥാനാർത്ഥികളാണ് ജനവിധി തേടുന്നത്.

കള്ളാർ, ചിറ്റാരിക്കാൽ, കമ്പല്ലൂർ, ബളാൽ, തായന്നൂർ എന്നീ ഡിവിഷനുകളിൽ മൂന്നും അതിലധികവും സ്ഥാനാർത്ഥികളുണ്ട്. കള്ളാർ ഡിവിഷനിൽ പൈനാപ്പിൾ, കൈ, താമര എന്നീ ചിഹ്നങ്ങളാണ് മത്സരിക്കുന്നത്. ചിറ്റാരിക്കാൽ ഡിവിഷനിൽ ലാപ്ടോപ് ചിഹ്നം ഒരു സ്ഥാനാർത്ഥിക്ക് ലഭിച്ചിട്ടുണ്ട്.

കോടോം, പനത്തടി, പാണത്തൂർ, മാലോം, എളേരി, പരപ്പ, കിനാനൂർ, ബാനം, ബേളൂർ എന്നീ ഡിവിഷനുകളിൽ മൂന്ന് സ്ഥാനാർത്ഥികൾ വീതം തമ്മിലുള്ള ത്രികോണ മത്സരമാണ് നടക്കുന്നത്. തിരഞ്ഞെടുപ്പ് പ്രചാരണം ശക്തമാവുന്നതോടെ പരപ്പ ബ്ലോക്ക് പഞ്ചായത്തിൽ വാശിയേറിയ പോരാട്ടത്തിനാണ് കളമൊരുങ്ങുന്നത്.