വാർപ്പ് മേസ്ത്രിയെ റെയിൽവേ ട്രാക്കിന് സമീപത്തെ മരത്തിൽ തൂങ്ങിമരിച്ച നിലയിൽ കണ്ടെത്തി

ചെറുവത്തൂർ: വാർപ്പ് മേസ്ത്രിയെ റെയിൽവേ ട്രാക്കിന് സമീപത്തെ മരത്തിൽ തൂങ്ങിമരിച്ച നിലയിൽ കണ്ടെത്തി. പിലിക്കോട് സ്വദേശിയും തൃക്കരിപ്പൂർ തെക്കുമ്പാട് താമസിക്കുന്ന പി രമേശനാ(52)ണ് മരിച്ചത്. ബുധനാഴ്ച വൈകീട്ട് അഞ്ചുമണിയോടെയാണ് വീത് കുന്നിന് പടിഞ്ഞാറു ഭാഗത്തുള്ള റെയിൽവേ ട്രാക്കിന് സമീപത്തെ കശുമാവിൽ തൂങ്ങിയ നിലയിൽ കണ്ടെത്തിയത്. പൊലീസെത്തി നടപടികൾക്ക് ശേഷം പോസ്റ്റുമോർട്ടത്തിനായി മൃതദേഹം പരിയാരം കണ്ണൂർ ഗവ.മെഡിക്കൽ കോളേജ് മോർച്ചറിയിലേക്ക് മാറ്റി. ചന്തേര പൊലീസ് ഇൻക്വസ്റ്റ് നടത്തി. സംസ്കാരം വ്യാഴാഴ്ച ഉച്ചയോടെ എളമ്പച്ചിയിലെ സമുദായ ശ്മശാനത്തിൽ നടക്കും. പരേതനായ കുഞ്ഞിരാമന്റെയും ജാനകിയുടെയും മകനാണ്. ഭാര്യ: ഷീബ. മക്കൾ: ദേവനന്ദ, ദേവദർഷ്. സഹോദരങ്ങൾ: പി സുരേശൻ, കുഞ്ഞികൃഷ്ണൻ, പ്രജിത, പ്രസീത.