കാസറഗോഡ് ജില്ലാ പഞ്ചായത്തിന് ഇനി പുതിയ സാരഥികള്
കാസറഗോഡ് ജില്ലാ പഞ്ചായത്ത് അംഗങ്ങളായി തിരഞ്ഞെടുക്കപ്പെട്ട ജനപ്രതിനിധികളുടെ സത്യപ്രതിജ്ഞ ചടങ്ങ് രാവിലെ 10 ന് കളക്ടറേറ്റ് കോണ്ഫറന്സ് ഹാളില് നടന്നു. എല്ലാ ജനപ്രതിനിധികള്ക്കും ആശംസ അര്പ്പിച്ച ശേഷം വരണാധികാരിയായ ജില്ലാ കളക്ടര് കെ.ഇമ്പശേഖര് തിരഞ്ഞെടുക്കപ്പെട്ട ജനപ്രതിനിധികളില് ഏറ്റവും മുതിര്ന്ന അംഗമായ ബദിയടുക്ക ഡിവിഷനെ പ്രതിനിധീകരിക്കുന്ന രാമപ്പ മഞ്ചേശ്വരയ്ക്ക് സത്യപ്രതിജ്ഞ ചൊല്ലിക്കൊടുത്തു. രാമപ്പ മഞ്ചേശ്വര മറ്റു ഡിവിഷനുകളിലെ ജനപ്രതിനിധികള്ക്ക് സത്യപ്രതിജ്ഞ വാചകം ചൊല്ലിക്കൊടുത്തു. വോര്ക്കാടി ഡിവിഷനിലെ അലി ഹര്ഷാദ് വോര്ക്കാടി, പുത്തിഗെ ഡിവിഷനിലെ ജെ.എസ് സോമശേഖര, ദേലമ്പാടി ഡിവിഷനിലെ ഒ.വത്സല, കുറ്റിക്കോല് ഡിവിഷനിലെ സാബു എബ്രഹാം, കള്ളാര് ഡിവിഷനിലെ റീന തോമസ്, ചിറ്റാരിക്കല് ഡിവിഷനിലെ ബിന്സി ജെയ്ന്, കയ്യൂര് ഡിവിഷനിലെ കെ.കൃഷ്ണന് ഒക്ലാവ്, പിലിക്കോട് ഡിവിഷനിലെ എം.മനു, ചെറുവത്തൂര് ഡിവിഷനിലെ ഡോ. സെറീന സലാം, മടിക്കൈ ഡിവിഷനിലെ കെ.സബീഷ്, പെരിയ ഡിവിഷനിലെ കെ.കെ സോയ, ബേക്കല് ഡിവിഷനിലെ റ്റി.വി രാധിക, ഉദുമ ഡിവിഷനിലെ സുകുമാരി ശ്രീധരന്, ചെങ്കള ഡിവിഷനിലെ ജസ്ന മനാഫ്, സിവില് സ്റ്റേഷന് ഡിവിഷനിലെ പി.ബി ഷെഫീക്ക്, കുമ്പള ഡിവിഷനിലെ അസീസ് കളത്തൂര്, മഞ്ചേശ്വരം ഡിവിഷനിലെ ഇര്ഫാന ഇഖ്ബാല് എന്നിവരും സത്യപ്രതിജ്ഞ ചെയ്ത് അധികാരമേറ്റു. ചടങ്ങില് രാജ്മോഹന് ഉണ്ണിത്താന് എം.പി, എംഎല്എമാരായ എന്.എ നെല്ലിക്കുന്ന്, അഡ്വ. സി.എച്ച് കുഞ്ഞമ്പു, എം.രാജഗോപാലന് എന്നിവരും എ.ഡി.എം പി.അഖില്, എല്.എസ്.ജി.ഡി ജോയിന്റ് ഡയറക്ടര് ആര്.ഷൈനി, ജില്ലാ പഞ്ചായത്ത് സെക്രട്ടറി എസ്.ബിജു, മുന് ജില്ലാ പഞ്ചായത്ത് പ്രസിഡന്റ് ബേബി ബാലകൃഷ്ണന്, മുന് ജില്ലാ പഞ്ചായത്ത് വൈസ് പ്രസിഡന്റ് ഷാനവാസ് പാദൂര്, വിവിധ രാഷ്ട്രീയ പാര്ട്ടി പ്രതിനിധികള്, സ്ഥാനാര്ഥികളുടെ കുടുംബാംഗങ്ങള് എന്നിവര് പങ്കെടുത്തു.
No comments