മഴക്കെടുതിയിൽ കർഷകർക്ക് തുണയായി ചുള്ളി ഫാം സർവീസ് ; കശുവണ്ടി സംഭരണം തുടരുന്നു

മാലോം : കാലവർഷം ആരംഭിച്ചതോടെ പ്രാദേശിക വ്യാപാരികൾ കശുവണ്ടി എടുക്കുന്നത് നിർത്തിവെച്ച സാഹചര്യത്തിൽ, കർഷകരെ സഹായിക്കാനായി കശുവണ്ടി സംഭരണവുമായി വള്ളിക്കടവിലെ ചുള്ളി ഫാം സർവീസ് പ്രൈവറ്റ് ലിമിറ്റഡ് (Chully Farm Service Pvt Ltd) രംഗത്ത്.

മഴ തുടങ്ങുമ്പോൾ കശുവണ്ടി വ്യാപാരം നിർത്തുന്നത് പതിവാണെങ്കിലും, നിലവിൽ തോട്ടങ്ങളിൽ വിളവെടുപ്പ് പൂർത്തിയായിട്ടില്ല. കച്ചവടക്കാർ പിന്മാറിയതോടെ കർഷകർ കടുത്ത സാമ്പത്തിക പ്രതിസന്ധിയിലാണ്. വിളവെടുത്ത കശുവണ്ടി യഥാസമയം വിറ്റഴിക്കാൻ സാധിക്കാത്തത് ഭക്ഷ്യ പാഴാക്കലിനും കാരണമാകുന്നുണ്ട്.

ഈ സാഹചര്യത്തിലാണ് കർഷകരുടെ സുരക്ഷ മുൻനിർത്തി ചുള്ളി ഫാം സർവീസ് പ്രൈവറ്റ് ലിമിറ്റഡ് സഹായഹസ്തവുമായി എത്തിയിരിക്കുന്നത്. നബാർഡിന്റെ (NABARD) സഹകരണത്തോടും, ICAR - ഡയറക്ടറേറ്റ് ഓഫ് കാഷ്യൂ റിസർച്ചിന്റെ (DCR) സാങ്കേതിക സഹായത്തോടും കൂടിയാണ് കമ്പനി ഇപ്പോൾ കർഷകരിൽ നിന്ന് നേരിട്ട് കശുവണ്ടി സംഭരിക്കുന്നത്.

വിപണിയിൽ പ്രതിസന്ധിയുണ്ടാകുമ്പോൾ കർഷകർക്കൊപ്പം നിൽക്കുകയെന്നതാണ് കമ്പനിയുടെ ലക്ഷ്യം. അധ്വാനിച്ചുണ്ടാക്കിയ വിളവ് പാഴായിപ്പോകില്ലെന്ന് ചുള്ളി ഫാം സർവീസ്  മാനേജിങ് ഡിറക്ടർ ബിനോയി പി സി  വ്യക്തമാക്കി.

കശുവണ്ടി സംഭരണം വള്ളിക്കടവിൽ സജീവമായി പുരോഗമിക്കുകയാണ്. ഉൽപ്പന്നങ്ങൾ വിൽക്കാൻ താല്പര്യമുള്ള കർഷകർ താഴെ കാണുന്ന നമ്പറിൽ അടിയന്തിരമായി ബന്ധപ്പെടേണ്ടതാണ്.

ഫോൺ നമ്പർ: 8197815243