കാസർഗോഡ് ജില്ലയിലെ ബെസ്റ്റ് കമ്മ്യൂണിറ്റി പോലീസ് ഓഫീസർ അവാർഡ് വെള്ളരിക്കുണ്ട് സെന്റ് ജൂഡ്സ് എച്ച് എസ് സ്കൂൾ അധ്യാപികയായ റാണി എം. ജോസഫ് ഏറ്റുവാങ്ങി

വെള്ളരിക്കുണ്ട് : കാസർഗോഡ് ജില്ലയിലെ മികച്ച കമ്മ്യൂണിറ്റി പോലീസ് ഓഫീസർക്കുള്ള (Best Community Police Officer) പുരസ്‌കാരം സെന്റ് ജൂഡ്സ് എച്ച് എസ് സ്കൂൾ വെള്ളരിക്കുണ്ട് ഹൈസ്കൂൾ വിഭാഗത്തിലെ മലയാളം അധ്യാപികയും സി.പി.ഒയുമായ ശ്രീമതി റാണി എം. ജോസഫ് ഏറ്റുവാങ്ങി. കാസർഗോഡ് അഡീഷണൽ പോലീസ് മേധാവി ശ്രീ ദേവദാസ് എം. പുരസ്‌കാരം സമ്മാനിച്ചു.

സ്റ്റുഡന്റ് പോലീസ് കേഡറ്റ് (SPC) പ്രവർത്തനങ്ങളിൽ സജീവ സാന്നിധ്യമായിരുന്ന റാണി ടീച്ചർ വിദ്യാർത്ഥികളിൽ സാമൂഹിക ബോധവും നേതൃത്വഗുണവും വളർത്തുന്നതിൽ നിർണായക പങ്കുവഹിച്ചുവരുന്നു. സ്കൂളിലും സമൂഹത്തിലും മികച്ച പ്രവർത്തനങ്ങൾ കാഴ്ചവെച്ചതിനുള്ള അംഗീകാരമായാണ് ഈ പുരസ്‌കാരം ലഭിച്ചത്.

കാസർഗോഡ് ജില്ലാ തല SPC ക്യാമ്പിനോടനുബന്ധിച്ച് സംഘടിപ്പിച്ച ചടങ്ങിലായിരുന്നു അവാർഡ് വിതരണം. അധ്യാപകർ, പോലീസ് ഉദ്യോഗസ്ഥർ, വിദ്യാർത്ഥികൾ തുടങ്ങിയവർ ചടങ്ങിൽ പങ്കെടുത്തു.

റാണി ടീച്ചറുടെ ഈ നേട്ടത്തിൽ സ്കൂൾ മാനേജ്മെന്റും സഹപ്രവർത്തകരും വിദ്യാർത്ഥികളും അഭിനന്ദനം അറിയിച്ചു.