കണ്ണൂർ യൂണിവേഴ്സിറ്റി കായികമേളയിൽ 20 കിലോമീറ്റർ നടത്തത്തിൽ സ്വർണം നേടി കനകപ്പള്ളി സ്വദേശി ജിതിൻ ബാലൻ
തലശ്ശേരി: കണ്ണൂർ സർവകലാശാല കായികമേളയിൽ 20 കിലോമീറ്റർ റേസ് വാക്ക് (നടത്തമത്സരം) വിഭാഗത്തിൽ സ്വർണ മെഡൽ നേടി ജിതിൻ ബാലൻ നാടിന്റെ അഭിമാനമായി.
തലശ്ശേരി ഗവ. ബ്രണ്ണൻ കോളേജിലെ വിദ്യാർത്ഥിയായ ജിതിൻ പരപ്പ കനകപ്പള്ളി തുമ്പയിലെ ബാലന്റെയും മുലപ്പാറ അങ്കണവാടി ഹെൽപ്പർ രാധയുടെയും മകനാണ്. ഓട്ടോ ഡ്രൈവറായ ബാലന്റെയും അങ്കണവാടി ജീവനക്കാരിയായ രാധയുടെയും മകനായ ജിതിൻ കായികരംഗത്ത് നേടിയ ഈ നേട്ടം കുടുംബത്തിനും നാടിനും ഒരുപോലെ അഭിമാനമായി.
രാഹുലാണ് സഹോദരൻ. കഠിനാധ്വാനത്തിലൂടെയും പരിശീലനത്തിലൂടെയും നേടിയ ജിതിന്റെ ഈ വിജയത്തിന് നാട്ടുകാരും സുഹൃത്തുക്കളും അഭിനന്ദനങ്ങൾ നേർന്നു.

No comments