പോസ്റ്റ് ഓഫീസ് ഓഫ് ഇന്ത്യയിൽ ഗ്രാമീൺ ഡാക്സേവക് തസ്തികയിൽ ആകെ 38,926 ഒഴിവുകൾ ഓൺലൈനായി ജൂൺ 5 വരെ അപേക്ഷിക്കാം

ന്യൂഡൽഹി: പോസ്റ്റ് ഓഫീസ് ഓഫ് ഇന്ത്യയിൽ ഗ്രാമീൺ ഡാക് സേവക് (ജി.ഡി.എസ്) തസ്തികയിലേക്കുള്ള ഒഴിവുകളിലേക്ക് ഇപ്പോൾ അപേക്ഷിക്കാം. ബ്രാഞ്ച് പോസ്റ്റ് മാസ്റ്റർ (ബിപിഎം), അസിസ്റ്റന്റ് ബ്രാഞ്ച് പോസ്റ്റ് മാസ്റ്റർ (എബിപിഎം), ഡാക് സേവക് എന്നീ തസ്തികകളിലായി ഇന്ത്യയിലുടനീളം ഏകദേശം 38,926 ഒഴിവുകളാണുള്ളത്. ഓൺലൈൻ ആയി

https://indiapostgdsonline.gov.in ലൂടെ ജൂൺ 5 വരെ അപേക്ഷിക്കാം.

യോഗ്യത: ഗണിതത്തിലും ഇംഗ്ലീഷിലും വിജയിച്ച പത്താം ക്ലാസ് സെക്കൻഡറി സ്കൂൾ പരീക്ഷ പാസായ സർട്ടിഫിക്കറ്റ് ഉണ്ടായിരിക്കണം. പ്രാദേശിക ഭാഷ അറിയണം. സൈക്ലിംഗിനെക്കുറിച്ചുള്ള അറിവ് ഒരു മുൻവ്യവസ്ഥയാണ്. സ്കൂട്ടറോ മോട്ടോർ സൈക്കിളോ ഓടിക്കാൻ അറിയാവുന്ന ഉദ്യോ ഗാർത്ഥിയാണെങ്കിൽ, അത് സൈക്ലിംഗിനെക്കുറിച്ചുള്ള അറിവായി കണക്കാക്കാം.

പ്രായപരിധി: 18 മുതൽ 40 വയസ്സ് വരെ. ശമ്പളം:ബ്രാഞ്ച് പോസ്റ്റ് മാസ്റ്റർ 12000 രൂപ. എബിപിഎം/ ഡാക് സേവക് 10000 രൂപ

തിരഞ്ഞെടുപ്പ്: മെറിറ്റ് സ്ഥാനവും സമർപ്പിച്ച പോസ്റ്റുകളുടെ മുൻഗണനയും അടിസ്ഥാനമാക്കി സിസ്റ്റം ജനറേറ്റഡ് മെറിറ്റ് ലിസ്റ്റ് പ്രകാരമാണ് തിരഞ്ഞെടുപ്പ്. ഇത് നിയമങ്ങൾക്കനുസൃതമായി, എല്ലാ യോഗ്യതാ മാനദണ്ഡങ്ങളും പാലിക്കുന്നതിന് വിധേയമായിരിക്കും. പരീക്ഷയില്ല.