കൊന്നക്കാട് ചെരുമ്പക്കോട് അംഗനവാടിയിൽ വച്ച് നാല് വയസുകാരിയെ തെരുവുനായ കടിച്ച് പറിച്ചു

വെള്ളരിക്കുണ്ട്: കൊന്നക്കാട് ചെരുമ്പക്കോട് അംഗനവാടിയിൽ വച്ച് നാല് വയസുകാരിയെ തെരുവുനായ കടിച്ച് പറിച്ചു. ഗുരുതരമായി പരിക്കേറ്റ കുട്ടിയെ കാഞ്ഞങ്ങാട് ജില്ലാശുപത്രിയിൽ പ്രവേശിപ്പിച്ചു. കൊന്നക്കാട് പാമത്തട്ടിലെ ഗോപാലകൃഷ്ണൻ സൗമ്യ ദമ്പതികളുടെ മകൾ ജ്ഞാനേശ്വരി ( 4 ) ആണ് തെരുവുനായയുടെ അക്രമത്തിന് ഇരയായത്. ഉടനെ വെള്ളരിക്കുണ്ട് ബ്ലോക്ക് ആശുപത്രിയിൽ എത്തിച്ച് പ്രാഥമിക ശുശ്രൂഷ നൽകി കാഞ്ഞങ്ങാട് ജില്ലാശുപത്രിയിൽ എത്തിച്ചു. തെരുവ് നായ ശല്യം ദിനംപ്രതി വർദ്ധിച്ച് വരുന്ന സാഹചര്യത്തിൽ ജനങ്ങൾ ആശങ്കയിലാണ്.