കോവിഡ് പോസിറ്റീവായ 'കൊറോണ' പ്രസവിച്ചു
മതിലില് ഗീതാമന്ദിരത്തില് ജിനു സുരേഷിന്റെ ഭാര്യയാണ് കൊറോണ. കൊല്ലം മെഡിക്കല് കോളജ് ആശുപത്രിയില് കോവിഡ് ചികിത്സയിലിരിക്കെ കൊറോണ ഇന്നലെ പ്രസവിക്കുക ആയിരുന്നു. കോവിഡ് പോസിറ്റീവായ 24 വയസ്സുകാരിയായ കൊറോണ തന്റെ രണ്ടാമത്തെ കുഞ്ഞിനാണ് ഇന്നലെ ജന്മം നല്കിയത്. പേര് അര്പ്പിത.
കൊല്ലത്തെ ആശുപത്രിയില് ഗര്ഭസംബന്ധമായ പതിവുപരിശോധനയ്ക്ക് എത്തിയപ്പോള് നടത്തിയ സ്രവപരിശോധനയിലാണു കൊറോണയ്ക്കു കോവിഡ് സ്ഥിരീകരിച്ചത്.
പ്രസവം അടുത്തതിനെ തുടര്ന്ന് ഈ മാസം 10ന് മെഡിക്കല് കോളജ് ആശുപത്രിയിലേക്കു മാറ്റി. ഇന്നലെ പുലര്ച്ചെ 2.30 ന് കൊറോണ പ്രസവിച്ചു. അമ്മയും കുഞ്ഞും സുഖമായിരിക്കുന്നു. കാട്ടു എന്ന പേരില് അറിയപ്പെടുന്ന കൊല്ലം മതിലില് കാട്ടുവിള വീട്ടില് ആര്ട്ടിസ്റ്റ് തോമസിന്റെ ഇരട്ട മക്കളാണു കൊറോണയും കോറലും. പ്രകാശവലയം എന്ന അര്ഥത്തിലാണു മകള്ക്കു കൊറോണ എന്ന പേരിട്ടത്.
കാട്ടുവിള വീട്ടുകാര്ക്ക് കൊറോണ എന്നതു മകളുടെ പേരില് അവസാനിക്കുന്നില്ല. തോമസിന്റെ ഭാര്യ ഷീബ നടത്തിയിരുന്ന ബ്യൂട്ടി പാര്ലറിന്റെ പേരും കൊറോണ എന്നാണ്. സ്ഥാപനം അടച്ചതിനാല് ഇപ്പോള് വീട്ടിലാണ് പാര്ലറിന്റെ പ്രവര്ത്തനം. പ്രവാസിയായ കൊറോണയുടെ ഭര്ത്താവ് ജിനു ഇപ്പോള് നാട്ടിലുണ്ട്. കൊറോണ ജിനു ദമ്ബതികളുടെ മൂത്തമകന് അര്ണബ് എന്ന അഞ്ചു വയസ്സുകാരനാണ്.
No comments