ഇന്ത്യയുടെ ഓസീസ് പര്യടനത്തിനുള്ള ടീമുകൾ പ്രഖ്യാപിച്ചു

ഇന്ത്യയുടെ ഓസീസ് പര്യടനത്തിനുള്ള ടീമുകൾ പ്രഖ്യാപിച്ചു. ഐപിഎൽ മത്സരത്തിനിടെ പരുക്കേറ്റ ഓപ്പണർ രോഹിത് ശർമ്മ ടീമിൽ ഉൾപ്പെട്ടിട്ടില്ല. ടി-20 ടീമിൽ മലയാളി താരം സഞ്ജു സാംസൺ ഇടം നേടി. ഹർദ്ദിക് പാണ്ഡ്യ ടി-20, ഏകദിന ടീമുകളിൽ ഇടം നേടിയിട്ടുണ്ട്. നവദീപ് സെയ്നി, മായങ്ക് അഗർവാൾ, വരുൺ ചക്രവർത്തി തുടങ്ങിയവരും ടി-20 ടീമിൽ കളിക്കും.ശുഭ്മൻ ഗിൽ, ശർദ്ദുൽ താക്കൂർ, നവദീപ് സെയ്നി എന്നിവർ ഏകദിന ടീമിലുണ്ട്. ടെസ്റ്റ് ടീമിലും ഗിൽ ഇടം പിടിച്ചു. ഋഷഭ് പന്ത്, വൃദ്ധിമാൻ സാഹ എന്നിവരും ടെസ്റ്റ് ജഴ്സി അണിയും. ആർ അശ്വിൻ, മുഹമ്മദ് സിറാജ് എന്നിവരും ടീമിലുണ്ട്.