പാലിൽ മുങ്ങിക്കുളിച്ച്​ ജീവനക്കാരൻ; ഡയറി പ്ലാൻറ്​ അടച്ചുപൂട്ടി രണ്ടുപേർ​ അറസ്​റ്റിൽ

സെൻട്രൽ അനറ്റോലിയൻ പ്രവിശ്യയായ കൊന്യയിലെ ഡയറി പ്ലാൻറിലാണ്​ സംഭവം. എമ്രെ സെയാർ എന്നയാളാണ്​ പാലിൽ മുങ്ങിക്കുളിച്ചത്​. ഇതിന്റെ വീഡിയോ ടിക് ടോക്കിൽ അപ്​ലോഡ്​ ചെയ്​തത്​ ഉഗുർ തുർഗട്ട്​ എന്നയാളാണ്​. വീഡിയോ വൈറലായതോടെ ഇരുവരെയും അറസ്​റ്റ്​ ചെയ്തു. വീഡിയോ സമൂഹ മാധ്യമങ്ങളിൽ പ്രചരിച്ചതോടെ ഇതി​നെതിരെ വ്യാപക പ്രതിഷേധമാണ്​ ഉയർന്നത്​. സംഭവശേഷം ഉഗുർ തുർഗട്ടിനെ പിരിച്ചുവിട്ടതായി ഡയറി പ്ലാൻറ്​ അധികൃതർ അറിയിച്ചു. കൂടാതെ, എമ്രെ സെയാർ പാലില്ല മുങ്ങിയത്​, അത്​ വെള്ളവും ക്ലീനിംഗ് ദ്രാവകവും ചേർന്നതാണെന്നും കമ്പനി അധികൃതർ അവകാശപ്പെട്ടു. വീഡിയോ തങ്ങളുടെ കമ്പനിയെ അപകീർത്തിപ്പെടുത്താനുള്ള ശ്രമമാണ്​. അതിലെ ദ്രാവകം യഥാർത്ഥത്തിൽ ബോയിലറുകൾ കഴുകാൻ ഉപയോഗിച്ചതാണെന്നും അവർ കൂട്ടിച്ചേർത്തു. അതേസമയം, സംഭവത്തെക്കുറിച്ച് കൊന്യ അഗ്രികൾച്ചറൽ ആൻഡ് ഫോറസ്ട്രി മാനേജർ അലി എർഗിൻ അന്വേഷണം ആരംഭിക്കുകയും ഫാക്ടറി അടച്ചുപൂട്ടുകയും ചെയ്​തു. ജനങ്ങളുടെ ആരോഗ്യത്തെ അപകടത്തിലാക്കുന്ന സാഹചര്യങ്ങളാലാണ് പ്ലാ​ൻറ്​ പ്രവർത്തിക്കുന്നത്. കമ്പനിക്ക്​ പിഴ ചുമത്തിയെന്നും അദ്ദേഹം പറഞ്ഞു.