തദ്ദേശ തെരഞ്ഞെടുപ്പ് ഡിസംബർ 8, 10, 14 തീയതികളിൽ: കാസർഗോഡ് ജില്ലയിൽ ഡിസംബർ 14ന് വോട്ടെണ്ണൽ 16ന്
തിരുവനന്തപുരം: സംസ്ഥാനത്തെ തദ്ദേശ തെരഞ്ഞെടുപ്പിനുള്ള തിയതി പുറത്തുവിട്ടു. തെരഞ്ഞെടുപ്പ് കമ്മീഷണർ വി. ഭാസ്ക്കരനാണ് തിയതി പ്രഖ്യാപിച്ചത്. മൂന്ന് ഘട്ടമായാണ് തെരഞ്ഞെടുപ്പ് നടക്കുന്നത്. ഡിസംബർ എട്ട്, പത്ത്, പതിനാല് തീയതികളിലായാണ് തെരഞ്ഞെടുപ്പ് നടത്തുന്നത്.
ഒന്നാം ഘട്ടത്തിൽ തിരുവനന്തപുരം, കൊല്ലം, പത്തനംതിട്ട, ആലപ്പുഴ ഇടുക്കി എന്നീ ജില്ലകളിൽ തെരഞ്ഞെടുപ്പ് നടത്തും. രണ്ടാം ഘട്ടത്തിൽ കോട്ടയം, എറണാകുളം, തൃശൂർ, പാലക്കാട്, വയനാട് എന്നീ അഞ്ച് ജില്ലകളിൽ നടത്തും. മൂന്നാം ഘട്ടം മലപ്പുറം, കോഴിക്കോട്, കണ്ണൂർ, കാസർഗോഡ് എന്നീ നാല് ജില്ലകളിൽ നടത്തും.
എല്ലാ ജില്ലകളിലും രാവിലെ എഴ് മുതൽ വൈകിട്ട് ആറ് വരെയാണ് വോട്ടെടുപ്പ് നടത്തുന്നത്. വോട്ടെണ്ണൽ ഡിസംബംർ 16ന് നടക്കും.
No comments