കോവിഡ് 19 വാക്‌സിനേഷൻ രണ്ടാംഘട്ടം ഇന്ന് മുതൽ

കാസറഗോഡ് : ജില്ലയിൽ കോവിഡ് വാക്‌സിൻ രണ്ടാം ഘട്ടം നാളെ മുതൽ ആരംഭിക്കുമെന്ന് ജില്ലാ മെഡിക്കൽ ഓഫീസർ (ആരോഗ്യം) ഡോ എ. വി. രാംദാസ് അറിയിച്ചു . ആദ്യഘട്ടത്തിൽ 6328 ആരോഗ്യ പ്രവർത്തകരാണ് കോവിഡ് വാക്‌സിൻ സ്വീകരിച്ചത്. രണ്ടാം ഘട്ടത്തിൽ മുൻകൂട്ടി രജിസ്റ്റർ ചെയ്ത  പോലീസ് , റവന്യൂ വകുപ്പ് ജീവനക്കാർ , തദ്ദേശ സ്വയംഭരണ വകുപ്പ് ജീവനക്കാർ എന്നീ വിഭാഗങ്ങളിലെ 4553 കോവിഡ് മുന്നണിപ്പോരാളികൾക്കാണ് വെള്ളി, ശനി ,ഞായർ ദിവസങ്ങളിലായി ജില്ലയിലെ വിവിധ ആരോഗ്യ കേന്ദ്രങ്ങളിൽ വച്ച് ആദ്യ ഡോസ് കോവിഡ് വാക്‌സിൻ നൽകുന്നത്. രണ്ടാം ഘട്ടത്തിലെ ആദ്യദിനത്തിൽ ജില്ലാശുപത്രി   കാഞ്ഞങ്ങാട്, ജനറൽ ആശുപത്രി കാസറഗോഡ് , താലൂക്ക് ആശുപത്രി നീലേശ്വരം , സാമൂഹ്യാരോഗ്യകേന്ദ്രം ചെറുവത്തൂർ എന്നീ സ്ഥാപനങ്ങളിൽ വെച്ച് ആദ്യ ഡോസ് കോവിഡ് വാക്‌സിൻ നൽകും.ജീവനക്കാരുടെ മൊബൈൽ ഫോണിൽ എസ്‌ . എം . എസ്  ലഭിക്കുന്ന മുറക്ക്  അതാതു കേന്ദ്രങ്ങളിലെത്തി വാക്‌സിൻ സ്വീകരിക്കണമെന്ന് ജില്ലാ മെഡിക്കൽ ഓഫീസർ (ആരോഗ്യം) ഡോ എ. വി. രാംദാസ് അഭ്യർത്ഥിച്ചു.