''വീ വാണ്ട് മെമു"; ജനകീയ കൂട്ടായ്മ നീലേശ്വരത്ത് പ്രതിഷേധ ബൈക്ക് റാലി നടത്തി

നീലേശ്വരം: മെമു സർവ്വീസ് മംഗലാപുരം വരെ നീട്ടുക, കാസർഗോഡ് ജില്ലയോടുള്ള റെയിൽവേ അവഗണന അവസാനിപ്പിക്കുക എന്നീ ആവശ്യങ്ങൾ ഉന്നയിച്ചുകൊണ്ട് നീലേശ്വരം റെയിൽവേ വികസന ജനകീയ കൂട്ടായ്മ, കേരളാ അയേൺ ഫാബ്രിക്കേഷൻ ആൻ്റ് എഞ്ചിനീയറിംങ്ങ് യൂനിറ്റ് അസോസിയേഷൻ നീലേശ്വരം ബ്ലോക്കുമായി സഹകരിച്ചു കൊണ്ട് 'വീ വാണ്ട് മെമു '  എന്നെഴുതിയ പ്ലക്കാർഡുമേന്തി പ്രതിഷേധ ബൈക്ക് റാലി നടത്തി. നീലേശ്വരം കോൺവെന്റ് ജംങ്ങ്ഷനിൽ കേരളാ അയേൺ ഫാബ്രിക്കേഷൻ ആൻ്റ് എഞ്ചിനീയറിംങ്ങ് യൂനിറ്റ് അസോസിയേഷൻ ജില്ലാ ഭാരവാഹി പി.വി. രവീന്ദ്രൻ ഫ്ളാഗ് ഓഫ് ചെയ്ത ബൈക്ക് റാലി നീലേശ്വരം, കാഞ്ഞങ്ങാട് നഗരങ്ങൾ ചുറ്റി എൻ. കെ. ബി. എം സ്ക്കൂൾ പരിസരത്ത് സമാപിച്ചു. തുടർന്ന് നടന്ന പ്രതിഷേധ സംഗമത്തിൽ  ജനകീയ കൂട്ടായ്മ പ്രസിഡണ്ട് നന്ദകുമാർ കോറോത്ത് അധ്യക്ഷത വഹിച്ചു. സെക്രട്ടറി കെ.വി.സുനിൽരാജ് സ്വാഗതവും ടി. വി. ശിവദാസൻ നന്ദിയും പറഞ്ഞു.

     അയേൺ ഫാബ്രിക്കേഷൻ അസോസിയേഷൻ ബ്ലോക്ക് പ്രസിഡണ്ട് പി. ദിനേശൻ,  ജെ.സി.ഐ. സെക്രട്ടറി സി. വി. സുരേഷ് ബാബു, റോട്ടറി ഇന്നർ വീൽ ക്ലബ് പ്രസിഡണ്ട് ഷീജ.ഇ. നായർ,  സി.കെ. അബ്ദുൾ സലാം, ടി. ഇ. സുധാമണി, കെ. വി. പ്രിയേഷ്കുമാർ, സുരേഷ് പാലക്കീൽ, ജി. സന്തോഷ്കുമാർ, മുഹമ്മദ് ഫൈസൽ, പി.വി.സത്യൻ, ടി. സി. സതീശൻ, പത്മനാഭൻ പട്ടേന, ബാബു കരിങ്ങാട്ട്, സതീശൻ കണിച്ചിറ എന്നിവർ സംസാരിച്ചു.  ജനകീയ കൺവെൻഷൻ, മെമു മണൽ ശില്പം, മനുഷ്യ മെമു തുടങ്ങിയ പരിപാടികൾക്ക് ശേഷം നടത്തിയ ബൈക്ക് റാലിയിലൂടെ പ്രതിഷേധ - പ്രചരണ പരിപാടികൾ ശക്തമാക്കി. കാസർഗോഡ് മുതൽ നീലേശ്വരം വരെ സൈക്കിൾ റാലിയും സമൂഹ ചിത്രരചനയും വരും ദിവസങ്ങളിൽ സംഘടിപ്പിക്കും.