പ്രതിദിനം1.5 ടൺ ഓക്സിജൻ നൽകും; കോവിഡ് രോഗികൾക്ക് ആശ്വാസമാകാൻ ബിപിസിഎൽ

കൊച്ചി: സംസ്ഥാനത്തെ സർക്കാർ ആശുപത്രികളിലേക്ക് മെഡിക്കൽ ഓക്സിജൻ നൽകുമെന്ന് ബി പി സി എൽ അറിയിച്ചു. പ്രതിദിനം1.5 ടൺ ഓക്സിജനാണ് നൽകുക. കഴിഞ്ഞവർഷം 40 ടൺ ഓക്സിജൻ ബി പി സി എൽ ആശുപത്രികൾക്ക് നൽകിയിരുന്നു.

സംസ്ഥാനത്ത് കോവിഡ് രോഗികളുടെ എണ്ണം കുതിച്ചുയരുകയാണ്. 8000ൽ അധികമാണ് പ്രതിദിന കണക്ക്. സർക്കാർ ആശുപത്രികളിലും സ്വകാര്യ ആശുപത്രികളിലും ചികിത്സയ്ക്ക് എത്തുന്നവരുടെ എണ്ണവും കൂടി. ആശുപത്രികളിൽ ആവശ്യത്തിന് ഓക്സിജൻ ലഭ്യമാകുമോയെന്ന സംശയവുമുണ്ട്.

ഈ സാഹചര്യത്തിലാണ് ബി പി സി എൽ സർക്കാർ ആശുപത്രിയിലേക്ക് ഓക്സിജൻ എത്തിക്കുന്നത്ത്. ദിവസവും1.5 ടൺ ഓക്സിജൻ ആവും നൽകുക. കൊച്ചിയിലെ റിഫൈനറിയിൽ നിന്നാവും ഓക്സിജൻ നൽകുന്നത്.



സംസ്ഥാനത്തെ സർക്കാർ ആശുപത്രികളിലും സ്വകാര്യ ആശുപത്രികളിലും അഡ്മിറ്റ് ആകുന്ന രോഗികളുടെ എണ്ണം കൂടിയിട്ടുണ്ട്. പല ആശുപത്രികളിലും 50 ശതമാനത്തിലധികം ഐ സി യുകളിലും വെന്റിലേറ്ററുകളിലും രോഗികളെ കൊണ്ട് നിറഞ്ഞ സാഹചര്യമാണുള്ളത്.