പുല്ലൂർ പൊള്ളക്കടയിൽ ലോറി നിയന്ത്രണം വിട്ടു മറിഞ്ഞു പരിക്കേറ്റയാളെ സിവിൽ ഡിഫൻസ് അംഗങ്ങൾ ബൈക്കിലിരുത്തി ആശുപത്രിയിലെത്തിച്ചു

കാഞ്ഞങ്ങാട് : മംഗലാപുരത്തു നിന്നു കരി കയറ്റി തലശ്ശേരിയിലേക്കു പോവുകയായിരു ലോറി നിയന്ത്രണം വിട്ട് ലോറിദേശീയ പാത പൊള്ളക്കടയിൽ തലകിഴായി മറിഞ്ഞു ഇതിലെ ജീവനക്കാരനായ തലശേരി സ്വദേശി ജോഷിയെ ഇതു വഴി കോവിഡ് രോഗിയേയും കയറ്റി ടാറ്റാ ആസ്പത്രിയിലേക്കു പോവുകയായിരുന്ന 108 ആംബുലൻസ് ജീവനക്കാരനും സിവിൽ ഡിഫൻസ് അംഗവുമായ രാജേഷ് ആംബുലൻസ് നിർത്തി ലോറിയുടെ ചില്ല് തകർത്ത് പുറത്തെടുത്ത് അദ്ദേഹത്തെ റോഡരികിൽ ഇരുത്തിയെങ്കിലും കോവിഡ് കാലമായതിനാൽ ആരും തന്നെ ഇദ്ദേഹത്തെ ആസ്പത്രിയിലെത്തിക്കാൻ തയ്യാറായില്ല. രാജേഷ് ഉടൻ തന്റെ കാഞ്ഞങ്ങാട് തോയമ്മലിലെ സഹപ്രവർത്തകരും സിവിൽ ഡിഫൻസ് അംഗങ്ങളുമായ കിരൺ , അതുൽ എന്നിവരെ വിവരം അറിയിച്ചു അവർ ഉടൻ ഇരുചക്രവാഹന ത്തിൽ പൊള്ളക്കടയിൽ എത്തി ജോഷിയെ ബൈക്കിന്റെ നടുവിൽ ഇരുത്തി ജില്ലാസ്പത്രിയി ലെത്തിക്കുകയായിരുന്നു. രാത്രി പതിനൊന്നരയോടെയാണ്അവർ മടങ്ങിയത്. മാവുങ്കാലിലെത്താറായപ്പോഴേക്കും പോലീസ് എത്തിയിരുന്നു രാത്രി 10.30 ന് ആണ് അപകടം നടന്നത്