പെര്ള-ചെറുപുഴ-കുമളി യാത്രക്കാര്ക്ക് സമ്മാനവുമായി മലയോരമേഖല പാസഞ്ചേഴ്സ് അസോസിയേഷന്
ചെറുപുഴ : കാസര്ഗോഡ് പെര്ളയില് നിന്ന് ഉച്ചക്ക് 1.30 ന് പുറപ്പെട്ട് 4.30ന് ചെറുപുഴ വഴി 7ന് കണ്ണൂര് പാസ് ചെയ്ത് കോഴിക്കോട്, തൃശൂര്, കോതമംഗലം, ഇടുക്കി, കട്ടപ്പന വഴി കുമളിക്ക് ഓടുന്ന സൂപ്പര് ഫാസ്റ്റ് ബസിലെ ഓണ്ലൈന് ദീര്ഘ ദൂര യാത്രക്കാരെ കാത്തിരിക്കുന്നത് മലയോര മേഖല പാസഞ്ചേഴ്സ് അസോസിയേഷന് ഒരുക്കിയ സമ്മാനങ്ങളാണ്.
പെര്ള-കുമളി ബസിലേക്ക് യാത്രക്കാരെ ആകര്ഷിക്കുന്നതിനും, ഓണ്ലൈന് ബുക്കിംഗ് സംവിധാനം വര്ധിപ്പിക്കാനും കാസര്ഗോഡ്, കണ്ണൂര് ജില്ലകളിലെ മലയോര മേഖലയിലെ ബദിയടുക്ക, മുള്ളേരിയ, ഒടയഞ്ചാല്, പരപ്പ, വെള്ളരിക്കുണ്ട്, ചിറ്റാരിക്കാല്, ചെറുപുഴ, ആലക്കോട്, കരുവഞ്ചാല്, ഒടുവള്ളി മുതലായ സ്ഥലങ്ങളില് നിന്നും ഇടുക്കി ജില്ലയിലെ കുമളി, കട്ടപ്പന, ഇടുക്കി, ചെറുതോണി, ചേലച്ചുവട് മുതലായ സ്ഥലങ്ങളില്നിന്നും 350 രൂപക്ക് മുകളിലുള്ള തുകക്ക് ടിക്കറ്റ് ഓണ്ലൈന് വഴി ബുക്ക് ചെയ്തിട്ടുള്ള ദീര്ഘ ദൂരയാത്രക്കാരുടെ മൊബൈല് നമ്പര് നറുക്കിട്ട് ഓരോ ഭാഗ്യശാലികളെ ഇടക്കിടക്ക് തെരഞ്ഞെടുത്ത് സര്പ്രൈസ് ഗിഫ്റ്റ് നല്കുന്നതാണ് പദ്ധതി.
സെപ്റ്റംബര് 15 ന് ആരംഭിക്കുന്ന പദ്ധതി ഒരുമാസം നീണ്ടുനില്ക്കും. കൂടാതെ ഏറ്റവും കൂടുതല് വരുമാനം പെര്ള-കുമളി സര്വീസില്നിന്ന് നേടിത്തരുന്ന രണ്ടു കെഎസ്ആര്ടിസി ജീവനക്കാര്ക്ക് പ്രോത്സാഹന സമ്മാനവും നല്കുന്നുണ്ട്.
നേരത്തെ കാഞ്ഞങ്ങാട് - ചെറുപുഴ - ബംഗളൂരു സര്വീസിന് ഇത്തരത്തില് സമ്മാനപദ്ധതി ആവിഷ്കരിച്ചത് വന് വിജയമായിരുന്നു. വേറിട്ട സമ്മാനപദ്ധതികള് മറ്റ് കെഎസ്ആര്ടിസി ബസുകളിലും നടത്തുമെന്ന് കണ്വീനര് എം.വി. രാജു അറിയിച്ചു. കാസര്ഗോഡ്, കണ്ണൂര് ജില്ലയിലുള്ളവര്ക്ക് ഭീമനടിയോ ചെറുപുഴയോ വച്ച് സമ്മാനം നല്കുകയും, ഈ ജില്ലകളില് നിന്ന് പുറത്തുള്ളവര്ക്ക് സമ്മാനം ലഭിച്ചാല് അവരെ മൊബൈലില് വിവരം അറിയിച്ചു പെര്ള-കുമളി ബസിലെ ജീവനക്കാര് മുഖേന എത്തിക്കുകയും ചെയ്യും.
No comments