ദിലീപിന് അനുകൂലമായി മൊഴിമാറ്റാൻ ഭീഷണിപ്പെടുത്തിയ കേസ്, മാപ്പുസാക്ഷി ബേക്കൽ സ്വദേശി ഹോസ്ദുർഗ് കോടതിയിൽ
കൊച്ചി : നടിയെ ആക്രമിച്ച കേസില് (Actress Attack case) ദിലീപിന് (Dileep) അനുകൂലമായി മൊഴി മാറ്റണമെന്ന് ആവശ്യപ്പെട്ട് ഗണേഷ് കുമാറിന്റെ മുന് ഓഫീസ് സ്റ്റാഫ് ഭീഷണിപ്പെടുത്തിയ കേസില്, ക്രൈംബ്രാഞ്ചിനെതിരെ മാപ്പുസാക്ഷി കോടതിയില് കാസര്കോട് സ്വദേശിയായ വിപിന് ലാലാണ് ഹൊസ്ദുര്ഗ് കോടതിയെ സമീപിച്ചത്.
ദിലീപിന് അനുകൂലമായി മൊഴി മാറ്റണമെന്ന് ആവശ്യപ്പെട്ട് ഭീഷണിപ്പെടുത്തിയ കേസില് ക്രൈംബ്രാഞ്ച് അന്വേഷണം നിലച്ചെന്നും അന്വേഷണം തുടങ്ങി ഒരു വര്ഷമായിട്ടും കുറ്റപത്രം പോലും സമര്പ്പിച്ചില്ലെന്നും ഹര്ജിയില് കുറ്റപ്പെടുത്തുന്നു. ഹൊസ്ദുര്ഗ് ജൂഡീഷ്യല് ഫസ്റ്റ് ക്ലാസ്സ് മജിസ്ട്രേറ്റ് കോടതിയില് നല്കിയ ഹര്ജി ഈ മാസം 28ന് പരിഗണിക്കും.
മൊഴിമാറ്റണമെന്നാവശ്യപ്പെട്ട് കെ.ബി.ഗണേഷ് കുമാര് എംഎല്എയുടെ ഓഫീസ് സെക്രട്ടറി പ്രദീപ് കോട്ടാത്തല ഭീഷണിപ്പെടുത്തിയെന്നതാണ് കേസ്. കോട്ടയം ക്രൈംബ്രാഞ്ച് യൂണിറ്റിന് ആയിരുന്നു അന്വേഷണച്ചുമതല. ലോക്കല് പൊലീസ് കൃത്യമായി അന്വേഷിച്ച കേസില് ക്രൈംബ്രാഞ്ച് ഒന്നും ചെയ്തില്ലെന്ന് ഹര്ജിയില് വിപിന് ലാല് ആരോപിക്കുന്നു. കേസില് നേരത്തെ ബേക്കല് പൊലീസ് പ്രദീപിനെ അറസ്റ്റ് ചെയ്തിരുന്നു. പിന്നീടിയാള് ജാമ്യം ലഭിച്ച് പുറത്തിറങ്ങി.
ദിലീപിന് അനുകൂലമായി മൊഴി നല്കാന് മാപ്പുസാക്ഷി വിപിന് ലാലിനെ പ്രദീപ് കാസര്കോടെത്തി നേരിട്ടും ഫോണിലൂടെയും കത്തുകളിലൂടെയും ഭീഷണിപ്പെടുത്തിയെന്നാണ് കേസ്. കഴിഞ്ഞ 2020 ജനുവരി 24ന് പ്രദീപ് കുമാര് കാസര്കോട് ജ്വല്ലറിയില് എത്തി വിപിന് ലാലിന്റെ ബന്ധുവിനെ കാണുന്ന സിസിടിവി ദൃശ്യങ്ങളും പൊലീസ് ശേഖരിച്ചിരുന്നു. ക്വട്ടേഷന് തുക ആവശ്യപ്പെട്ട് മുഖ്യപ്രതി സുനില് കുമാര് ജയിലില് നിന്ന് ദിലീപിന് അയച്ച കത്ത് എഴുതിക്കൊടുത്തത് സഹതടവുകാരനായിരുന്ന വിപിന്ലാലാണ്. ആദ്യം കേസില് പ്രതി ചേര്ത്ത വിപിന്ലാലിനെ പിന്നീട് മാപ്പുസാക്ഷിയാക്കുകയായിരുന്നു.
നടിയെ ആക്രമിച്ച കേസുമായി ബന്ധപ്പെട്ട് അന്വേഷണ ഉദ്യോഗസ്ഥരെ അപായപ്പെടുത്താന് ദിലീപ് ശ്രമിച്ചുവെന്ന കേസില് പ്രതിക്ക് മുന്കൂര് ജാമ്യം നല്കിയാല് പിന്നീട് കേസ് അന്വേഷണവുമായി മുന്നോട്ട് പോയിട്ട് കാര്യമില്ലെന്ന് പ്രോസിക്യൂഷന്. പ്രതികള് സാധാരണക്കാരല്ല. വലിയ സ്വാധീനമുള്ളവരാണ്. ഓരോ സാക്ഷികളെയും സ്വാധീനിക്കാന് പ്രതിഭാഗം ഓടിക്കൂടുകയാണ്.
No comments